عيشوا إجازة الأحلام هالصيف عند L’Auberge de Tyr

مخبى ع التل بصور مقصد خيالي هالصيف! L’Auberge de Tyr وجهة استثنائية بإطلالة ساحرة ع البحر ما لازم تفوتها. هالمطرح بيبعد ٧ دقايق بس عند شط صور الرملي، ومكان مثالي لكل حدا عم يفتش ع الرفاهية والفخامة بقلب الطبيعة الساحلية.

شو التجارب اللي بتقدروا تعيشوها عند L’Auberge de Tyr؟

بتلاقوا عند L’Auberge de Tyr جو من الراحة مع النشاطات الممتعة. عندن ٦ مسابح مميزة لترخوها ع راحتكن، من المسبح المفتوح للكل، مسابح الولاد، أو المسابح الخاصة. قضوا نهار من السباحة بواحد من أروع الأماكن بصور، أو استريحوا جنب المسبح تحت الشمس الحلوة.

بيقدمولكن حدايق واسعة ومناظر استثنائية للطبيعة الخضرة، بتحسسّكن إنكن سافرتوا ع مطرح هادي لتنسوا همومكن، تستمتعوا بالرواق من جهة وبالمناظر الخلابة لغروب الشمس من جهة التانية.

العيل والولاد رح يلاقوا متعة غير متناهية! من منتزه الحيوانات لنادي الفروسية اللي بيقدم دروس بركوب الخيل. انسوا العالم حولكن، عيشوا وقت خاص ما بينتسى مع عيلتكن، واتركوا ولادكن يسرحوا ويمرحوا بالجنينات. ومش بس هيك، الحيوانات عندن بتتجوّل متل ما بدها بقلب المنتزه، وهالشي بخليكن تعيشوا تجربة مباشرة وقريبة منن.

حابين تقضوا الليلة؟ خلونا نخبركن عن غرف L’Auberge de Tyr

الإقامة عند L’Auberge de Tyr بتقدم مزيج مثالي من الراحة والأناقة الفاخرة. فيكن تختاروا بين تجربة الفيلا، البانغلو، الغرف، السويت، وكلها بتتميز بديكور بحسسّكن بالهدوء والراحة النفسية.

وشو ما كان إختياركن، كل الغرف مغمورة بالطبيعة الخضرة وبتخليكن تستمتعوا بالمناظر الحلوة من أوّل ما تفتحوا عيونكن. المساحات الخضرة، الخدمات المميزة، والنشاطات الممتعة رح تعيشكن إجازة من العمر.

وما بتكمل تجربتكن من دون الأكل والمشروبات الطيبة!

بيوفرلكن L’Auberge de Tyr خيارات واسعة من الأكل الطيب، منيو من أطباق عالمية ولبنانية، معمولة من مكونات عالية الجودة وطازة من المزرعة، مع أطباق بارزة متل التراميسو اللي بتتحضر قدامكن ع الطاولة لتنبسطوا بتجربة تذوق فريدة. ارتاحوا ع التراس، استمعوا باللقمة الطيبة، الهوا اللطيف، والمناظر الحلوة.

المطعم بيستقبل كل الزبائن، سواءً النزلاء أو بس اللي عبالن غدا من دون ما يبقوا، وهيك بيوفر تجربة أكل مفتوحة للكل!

L’Auberge de Tyr رح يصير وجهتكن المفضلة هالصيفية

منتجع L’Auberge de Tyr مش بس لتقضوا إجازة مميزة، بس لتعملوا ذكريات ما بتنتسى مع الناس اللي بتحبوهن. الجو الرايق، الأنشطة المتنوعة، الراحة، والرفاهية بالإقامة رح ياخدوكن لعالم تاني وتخليه مقصدكن المثالي والأول لتعيشوا صيفية خيالية بلبنان. الديكور والقعدات مشغول عليهن بكل جمالية ليجمعولكن الجو المريح واللطيف مع منظر بحر صور الخرافي هالصيف.

اللي عبالن يحجزوا بقلب هالمكان المميز، بتلاقوا ٢٠ نوع من الغرف بتعيشكن الرفاهية بكل تفاصيلها. من الڤيلات، والبانغلو، للغرف والأجنحة المرتبة، استمتعوا بإجازة الأحلام بقلب صور.

وإذا ما عبالكن تقضوا الليلة عندن، ما في مشكلة! فيكن تقضوا النهار كامل من دون ما تحجزوا غرفة، مع دخول ع المسبح، المطعم، منتزه الحيوانات، وكتير خدمات تانية! بس لازم تتأكدوا من الحجز جنب المسبح!

لمزيد من المعلومات، تأكدوا من زيارة موقعن الإلكتروني و انستغرام.

للحجز، اتصلوا على هذا الرقم 233 339 71.