فرحوا قلبكن ببيروت بهل-٧ شغلات المميزة

مشوار بيروت ما بيكمل من دون التجارب المميزة و النشاطات الحلوة، كرمال هيك حبيّنا بهالمقال نغيّرلكن مزاجكن شوي! تعرفوا معنا ع ٧ شغلات فيكن تعملوها ببيروت بتدخل السعادة ع قلوبكن.

1. دوقوا حلويات مبتكرة من غوستاف

إذا عبالكن حلويات أصيلة وبتشهي أو نكهات مبتكرة ما بتلاقوها وين ما كان، لازم تجربوا محل الحلو المحبوب غوستاف Gustav. من أول ما فتح المحل بوابو ب ٢٠١٠، صار مقصد أساسي بالحمرا لكل عشاق الحلويات. تميّز بتقديم حلو و مخبوزات إستثنائية، جديدة ع السوق و مستوحاة من الحلويات الفرنسية.

بتلاقوا عند غوستاف منيو حلويات مغرية كتير ويمكن الأكبر بلبنان، بيجمع بين المكونات المحلية والحلويات العالمية بلمسة فريدة. وحلويات غوستاف المبتكرة ما بتخلص! دايماً بيجددوا المنيو بأطباق جديدة وأفكار إبداعية لتستمتعوا بتجربة إستثنائية بتناسب كل الأذواق.

مش بس هيك، غوستاف جاهز يلبي طلباتكن بكل مناسباتكن الخاصة. من خدمات ال catering أو تقديم الكيك حسب تصميمكن الخاص، معمولة ع ذوقكن وكيف ما بتحبوا، و هيدي الخدمة بتشمل أعياد الميلاد، حفلات التخرج، وأكيد الأعراس!

اكتشفوا تشكيلة غوستاف الواسعة من الحلويات الجديدة والموسمية اللي نزلت هالصيف، فيها نكهات لذيذة وغنية من الآيس كريم، والتارت الأصلية بالفواكة بنكهات متل الرمان والليمون/ الجريب فروت، كيك الفريز الفرنسية، حلويات عالمية متل باشن فاشن، بينا البيضا، بافلوفا، المانجو…عدا عن كيك بولز الشهيرة عندن أو ريد فيلفت كيك اللي كل زباين بتحبوا وبتطلبوا منو

غوستاف بيفتح من ١٠ الصبح ل ١٠ بالليل من الإتنين حتى السبت، ومن ١٢ الضهر ل ١٠ بالليل بس يوم الأحد. للمزيد من المعلومات أو الطلب، اتصلوا على الرقم: 199 747 01. وبتقدروا تطلبوا أونلاين عبر Gozilla ،Rush ،Tekram ،Toters.وما تنسوا تابعوا صفحتن على الإنستغرام هون لتشوفوا كل شي جديد وطيب!

2. استمتعوا بورشة فنية مع Kanvartfuly

ميلوا عند كانفا أرتفولي و استمتعوا بأحلى نشاطات فنية ممتعة، والحلو إنكن مش كل النشاطات بحاجة لحجز مسبق.

الأنشطة بتشمل رسم على الشنط، و رسم على الفنجان، فن تنقييط على المرايا، فن الغزل، التطريز، وأشياء كتيرة!

بنسبة للورش الفنية اللي عندن، رح يشرفوا عليكن مدربين محترفين حتى تتعلموا الكورس صح. سواء كنتو ناوين تتعلموا أساسيات أنماط الفن، أو أساليب فن الرسم، رح يكونو جاهزين يساعدوكن.

للمزيد من معلومات، تأكدوا من زيارة صفحتن على انستغرام.

3. إكتشفوا المحلات الجديدة و الجواهر المخفية ببيروت

عطول بتلاقوا ببيروت محلات جديدة بتقدم تجارب مميزة!

نحنا فينا نساعدكن عبر قسمنا ع الموقع هون.

4.إسهروا مع أصحابكن عند كينتسوغي

كينتسوغي هو بوتيك أوتيل، مطعم، وبار لطيف، وواحة خضرة مخفية ببيروت وبيقدملكن تجربة فريدة من نوعها.

إهربوا من العجقة وزوروا هالمحل ع الترويقة، الغدا، العشا، أو حتى لتشربوا كاس قبل ما تقضوا ليلة عندن بالأوتيل.

المكان كان بالأصل بيت قديم ومدمر وتحول للجوهرة اللي هي اليوم، وكرمال هيك كان تسميتو كينتسوغي، واللي هي تقنية يابانية اللي بتصلّح الغراض المكسورة بطريقة فنية.

بيفتحوا كل يوم ما عدا الإثنين، من الساعة 9 الصبح حتى 2 الصبح.

الرقم: 233 283 70

5. إسترخوا بقلب الميّ عند Pool d’Etat

هيدا المسبح رح يصير مقصدكن المفضل هالصيفية، بأجوائه المسلية والحيوية. بتقدروا تبوردوا بغطسة بالمسبح وتختموا زيارتكن بهالمكان بمشروبات شهية انتو وعم تتشمسوا.

وحتى فيكن تستمتعوا بوجبة برغر شهية ليكمل نهاركن!

6. دقوا البروشوتو، البيتزا والباستا عند توم أند موتز

دوقوا الأطباق الإيطالية بقلب هالمطعم المميز بمار مخايل. إذا كنتوا مجموعة رفقة، تشاركوا البطاطا بالترافل، أو أطباق الكلماري، وأكيد ما تنسوا البيتزا الشهية.

ممكن تختاروا كمان من الأطباق الكلاسيكية عندن، متل بيتزا البافالو والبروشوتو، أو طبق السباغيتي مع اللحمة. في عندكن خيارات كتير بتناسب الكل.

مفتوح كل يوم ما عدا الاثنين، توم وموتز رح يستقبلوكن من ١٢ الضهر لحتى ١١ والنص بالليل.

7. حلّو أوقاتكن مع باقة ورد من بوكيه ديليسيو

لكل محبي الرواق، هالكافيه اللطيف بيقدملكن فنجان قهوة مع قعدة بين الورود وإطلالة ع شوارع بيروت.

كمان هالكافيه عبارة عم محل ورد بيعمل أجمل بوكيه لتهدوهن للناس اللي بتحبوهن.

ممكن كمان تحضروا عندن الورشات اللي بتعلّمكن عن الورد! ما تنسوا تابعوهن ع الإنستغرام هون.