هول الرياضيين يلي رح يمثلوا لبنان بالألعاب الأولمبية 2024!

في أحلى من هيك خبر؟ شي بكبر القلب، الألعاب الأولمبية عم تقرب والسنة رح تشهد مشاركة وفد رياضي لبناني رفيع المستوى بدورة الألعاب الأولمبية الصيفية لسنة 2024. ورح يضم هيدا الوفد نخبة من الرياضيين اللبنانيين الموهوبين يلي عم بخوضوا المنافسات ضمن مجموعة متنوعة من الألعاب الرياضية، متل التنس، والبينغ بونغ، والتايكواندو، والرماية، والمبارزة.

رياضة التنس

للمرة الأولى على الإطلاق، رح يشارك البطل اللبناني الواعد بنجامن حسن بمنافسات التنس ضمن دورة الألعاب الأولمبية. وبيحلم حسن بتحقيق حلمو بملاقاة أسطورة التنس الإسباني رافاييل نادال، صاحب الرقم القياسي بعدد ألقاب بطولات غراند سلام.

رياضة البينغ بونغ

رجعت اللعيبة الأولمبية السابقة ماريانا ساهاكيان على ساحة المنافسات بعد ما تألقت ب بطولة غرب آسيا التصفوية ٢٠٢٤ وحصدت الميدالية الدهبية بمنافسات لعبة كرة الطاولة للسيدات.

رياضة التايكواندو

بعد انقطاع دام 8 سنين، رح تشارك اللعيبة الموهوبة ليتيسيا عون بمنافسات التايكوندو من جديد، ورح ترفع إسم لبنان بالعالي بهالرياضة القتالية.

رياضة الرماية

ضمنت الرامية اللبنانية راي باسيل مشاركتها بالألعاب الأولمبية بعد تحقيقها ربح تاريخي ببطولة الرماية الآسيوية ٢٠٢٣ يلي صارت بكوريا الجنوبية. تعد باسيل من أبطال رياضة الرماية، وسبق وشاركت قبل بأربع دورات أولمبية سابقة وحاصلة كمان على 8 ميداليات ببطولات كاس العالم.

رياضة المبارزة

رجع المبارز الموهوب فيليب واكيم ضمن فريق المبارزة ب المدرسة اللبنانية للفنون القتالية (Mont La Salle) على الواجهة الأولمبية مرة جديدة بعد غياب 8 سنين.

المشاركة اللبنانية القوية بدورة الألعاب الأولمبية 2024 هيي مصدر فخر كبير للبنان. منتمنى لجميع الرياضيين المشاركين التوفيق والنجاح، وتحقيق أرقام مشرفة بترفع علم لبنان بالعالي بالمحافل الدولية.

شو ما كانت النتيجة، منحبكن كتير ونحنا كتير فخورين فيكن!

شوفوا كمان، بتعرفوا إنو في مغارة منسية ما حدا سامع فيها.