تعرفوا معنا على ٩ محلات بوظة بالجبل!

البوظة طيبة بكل الأوقات، بس لما نطلع ع الجبل وندوق النكهات الفريش بين الطبيعة الحلوة، بيكون إلها طعمة تانية. بهالجولة، رح ناخدكن على أطيب المحلات اللي بتعمل بوظة بالجبل، لتستمتعوا بأحلى الأوقات وتكتشفوا نكهات جديدة. من نكهات تقليدية لمبتكرة، هالمحلات بتجمع بين الأصالة والإبداع بكل كدشة. خلونا اليوم نتعرف على ٩ من أفضل محلات البوظة بالجبل.

١. بوظة البردوني

بوظة البردوني مشهورة بزحلة، وبتقدملكن تشكيلة واسعة من النكهات التقليدية والجديدة. البوظة عندن بتتميز بالطعمة الفريش والمكونات الطبيعية، لازم تجربوا عندن البوظة بالفستق الحلبي وأكيد ترجعوا تبوردوا قلبكن بالكوكتيلات.

الرقم: 733 823 08

٢. بوظة مارون، بشري

بوظة مارون بقلب الضيعة معروفين بالنكهات الأصلية اللبنانية وبقعدة جبلية بتفرفح القلب. البوظة عندن معمولة بإيدين وطعمتها بتجنن، جربوا البوظة بالتين والجوز، نكهات مميزة ما بتلاقوها بكل محل.

الرقم: 195 288 03

٣. بوظة الزحلاوي، دوما

بوظة الزحلاوي بدوما بتقدملكن تجربة رائعة مع نكهات البوظة العربية تقليدية. وعلى فكرة هيي تراث دوماني من أكتر من 70 سنة. المكونات الطازة والجودة العالية بخلوا البوظة عندن من الأطيب، لازم تجربوا البوظة على قشطة والفواكة الموسمية.

الرقم: 537 323 03

٤. بوظة سالم، كوسبا

بوظة سالم من الأماكن اللي ما لازم تفوتوها. النكهات المميزة والبوظة الطبيعية بتخليكن ترجعوا كل مرة، جربوا القرن المشكل لي بيجي مغطس بالشوكولا الداكنة.

الرقم: 183 510 06

٥. بوظة القلعة، كفرصارون

بوظة القلعة بتقدملكن طعمات ولا أروع. النكهات الطازة والمكونات العالية الجودة بميزوا قرون البوظة عندن، فيكن تاكلوا البوظة بالقرن أو الكباية حسب شو عبالكن وبتاخدوا قد ما بدكن على البيت. جربوا البوظة بالمانغا والليمون الموردي ولتجربة غريبة شوي تذوقوا البوظة على لبنة وزعتر.

الرقم: 100 034 71

٦. رشيد عطا، زحلة

رشيد عطا بزحلة معروف بالبوظة اللبنانية الأصيلة. الطعمات عندن ما بتنوصف غير إنكن تجربوها وغير هيك بيعملوا كوكتيلات وعصير وكيكات كمان ومن الطعمات الاستثنائية لي موجودة عندن هي البوظة على ميري كريم. لعشاق الطعمات الكلاسيكية، ضروري تجربوا البوظة بالقشطة والفستق الحلبي.

الرقم: 433 824 08

٧. L’atelier des Glâces، بعبدات

عندن كل النكهات، التقليدية والمبتكرة بكل فن وشغف بس لي بميز هالمحل إنو بيعملوا كل شي على إيدين وبتكون البوظة خالية من المواد الحافظة والمكونات حتى بتطلع أطيب من العادي. أطيب شي الشوكولا بالويسكي الشهيرة عندن، بس كمان عندن البوظة على جميع أصناف الفواكة لي بتشبع العين والتم، وكتير خفيفة وبنفس الوقت رح بتحبوها كتير لأن طعمتها حقيقية. الحلو كمان بالبوظة عندن إنو على قد منا مشغولة مزبوط ما بتدوب بسرعة.

الرقم: 741 657 03

٨. Fleuron، برمانا

محل حلويات بيعمل بوظة حرفية وبوصلكن ألذ وأطيب أنواع الآيس كريم مع أصناف و نكهات عديدة. كل البوظة عندن طبيعية وفريش وما فيها مواد مصنعة، لتحسوا بالطعمة الحقيقة لكل نوع.

الرقم: 020 208 01

٩. Sopra Gelato، بكفيا

جربوا البوظة على كيوي والبوظة على كورنفلاكس، طعمات ما بتتقاوم. شو بدنا نخبركن عن البوظة بهالمحل لنخبركن، كل فترة وفترة بيعملوا اختراعات مهضومة وخرج سردة بهالشوبات بأي وقت من النهار.

شوفوا كمان، أطيب ٩ محلات بوظة عربية بلبنان