مشوار على حمانا: قضوا النهار عم تحوشوا كرز عند هالمحل!

شو عاملين هالعطلة؟ بدكن تبعدوا عن جو بيروت وعجقة الشوارع؟ عبالكن يوم حلو مليان مغامرات وفرح؟ خلينا ناخدكن مشوار ع حمانا، ع جنينة جميل، جنة الكرز الحلوة اللي رح تخليلكن تنسوا همومكن كلها!

جنينة جميل مش بس بساتين كرز، هي أكتر من هيك!

الطريق ع حمانا بحد ذاتها متعة، كلها قرى ووديان ومناظر حلوة بتخلي القلب يدق وبتشوفوا أعلى جسر بالشرق الأوسط عطريقكن.

لما توصلوا ع جنينة جميل، رح تنبهروا من جمال الطبيعة وبساتين الكرز لي بكل مكان، بملوا الضيعة بريحة حلوة ولون أحمر بفرح القلب. وأهم شي، الحديقة كتير نضيفة ومرتبة، وأصحاب الجنينة كتير مهضومين وقريبين للقلب!

بس ما رح تكتفوا إنو تتفرجوا على الكرز! أهم شي بجنينة جميل هي تجربة قطف الكرز بإيدكن. رح يعطوكن سلة ورح يمشوا يفسرولكن عن كل شي عن الكرز، أنواعو وطريقة القطافة. رح تعرفوا كمان تاريخ حمانا وعادات أهلها.

الشي الحلو كمان إنو في كتير أنواع من الكرز، في شي واطي وفي شي عالي شوي لازملكن سلم لتوصولوا متل حيلا شجرة. المهم كل شي طازة وطعمتن كتير بتجنن!

عنجد الولاد رح يكيفوا بهيك مشروع!

بس نصيحة لبسوا تياب بريحوا وما يكونوا سماك كتير بس يكونوا كمان خرج حقلة، ما في كتير مشي بس رح تضطروا تمشوا شوية جوات البساتين.

وأكيد خلو معكن برنيطة و قناني مي لأن رح تكونوا عم تمشوا تحت الشمسات.

وأكيد ما تنسوا الكاميرا، لأن الذكريات ما بتتعوض!

الدخول ع جنينة جميل ببلاش، بس الكرز اللي بتقطفوا رح تدفعوا علي حسب الكمية، في كمان كتير منتجات من الكرز بتلاقوهن بالجنينة، متل المربى والصوصات، كتير حلوين تاخدوهن معكن للذكرى أو كهدية لشي حدا.

لما تخلصوا من الحواش، في مطاعم كتير بقلب ساحة الضيعة لي قريبة من جنينة جميل وهيك فيكن تتمشوا بالساحة وتتعرفوا على كل زاوية من زوايا الضيعة، بس كمان ما تنسوا تتحلوا ببوظة الكرز!

تعرفوا على مطاعم الضيعة بهالرابط

للحجز أو أي استفسار عن جنينة جميل فيكن تتصلوا عالرقم 772 328 70.

تعو استفيدوا من جنينة جميل، قضوا يوم حلو مع العيلة والأصحاب، ودوقوا أطيب أنواع الكرز بحمانا!

شوفوا كمان، معمول مد بقشطة مع شوكولا بلجيكي عند محل واحد ببيروت.