خبر مؤسف، وفاة عمّو أنيس الشيف المحبوب بالحمرا!

خبر مؤسف كتير! فقنا اليوم ع خبر وفاة أنيس حطب، الشيف المحبوب كتير بشارع الحمرا واللي الكل بيعرفوا بلقب “عمّو أنيس”. كان صاحب المطعم والكافي الشهير عمو أنيس اللي موجود بشارع الكومودور بالحمرا، وكان صاحب الابتسامة الحلوة اللي اكتسب شعبية كبيرة على وسائل التواصل الاجتماعي بالفترة الأخيرة.

عمّو أنيس دغري فات ع قلوب الناس، كان معروف بوصفاته البيتوتية البسيطة ولباقتو بالحكي. محلو ما كان بس مطعم، بس مقصد بيجتمع فيه كل الناس بالحمرا لياكلوا لقمة بيت ويعشيوا جو البساطة. 

كان عمو أنيس رمز للزمن القديم بالحمرا. مش بس كان يقدم وجبات شهية، بس كمان كان يحسسّكن بالكرم اللبناني من أول ما تفوتوا لعندو ع المحل. الحمرا كتير رح تفقد لبسمة عمّو أنيس وضحكتو الحلوة، وخصوصي الناس اللي سنحتلها الفرصة تتعرف عليه إن كان زباين أو جيران المنطقة.

رح يضل أثرو ولطافتو محفورين بقلوب كل الناس! ونحنا منقدم التعازي لأهلو، أصحابو، وكل أحبابو.