بتعرفوا إنو فيكن تحتفلوا بمناسابتكن الخاصة بين الصخور بلبنان؟

للعشاق اللي بحبوا التجارب الفريدة من نوعها اليوم رح ناخدكن على محل أكتر من روعة فيكن تعملوا في عرسكن أو أي مناسبة بلبنان، بتلاقوا بواحد من أروع المواقع ب فيترون لتجربة صيفية وموسمية موجودة بس يكون الطقس حلو وتكون الجبال مغطاية بالأخضر.

هيدا المحل بيشبه عالم الأحلام، متل أجمل فينيو الأعراس يلي بتشوفوهن بالافلام.

هلق صار فيكن تحققوا حلمكن ويصير حقيقة وعنجد من دون ما تسافروا، عند محل واحد بلبنان إسمو Skylodge، قد ما بدنا نخبركن عنو بيعجز الكلام عن وصف هالمحل.

تخايلوا حالكن قاعدين بين الصخور عم تشموا هوا نضيف وحاطين طاولات وكراسي مع أضوية خافتة وورود ومزينين بشموع…. قديش رومانسي؟ وقدي حلم كل شخص يروح على هيك محل لو لمرة بحياتو.

تخايلوا قديه الصور بيطلعوا حلوين من هيك مطرح وأكيد رح تتذكروا كل حياتكن وتضلوا تفكروا بكل لحظة عشتوها بهالمحل.

فإذا عندكن مناسبة قريباً أو عرس، عيد ميلاد أو حتى خطبة أو بس عبالكن أمسية رومانسية بعيدة عن العالم، ما إلكن إلا تحجزوا هالمحل وتزينوا على زوقكن وبيطلع أجمل يوم بحياتكن.

وأحلى شي منظر المغيب من هالمحل، بتشوفوا الشمس عم تغيب بين الصخور وبتتأملوا جمال الطبيعة لما تجتمع مع الديكور الرومانسي وشو بعد أحلى من هيك؟ القعدة تحت النجوم بهيك محل وبتتفرجوا على القمر وبتاخدوا أجمل الصور إلكن.

وإذا عبالكن تفاجؤا حدا كتير بتحبوا وتاخدوا على شي محل ما بيتوقعوا، صرتوا تعرفوا وين تروحوا وأكيد ما تنسوا تحجزوا قبل بوقت.

العنوان: فيترون، كسروان
الرقم: 681 681 81