٦ ضهرات ممتعة للولاد ع عيد الأضحى بلبنان

ينعاد عليكن بالصحة والعافية! لتنبسطوا وتعيشوا عيد أضحى مميز مع ولادكن أو عيلتكن أو أصحابكن، لقينالكن ٦ مشاوير ممتعة للولاد ع عيد الأضحى بلبنان.

1. إنبسطوا بفعاليات مميزة خلال مهرجان عيد الأضحى بساحة النجمة

التاريخ: من 21 حتى 23 حزيران من الساعة 5 المسا حتى 12 بالليل

2. إستمتعوا بقعدة بقلب الجنينة وبوفيه غير شكل عند La maison de Maria، ساحل علما

جو بيرجعكن ع بيت التيتا بالضيعة! فيه أحلى من بوفيه ع عيد الأضحى بقلب جنينة مقدم من كل أصناف الأكل؟ لا ميزون دي ماريا ناطركن الأحد والإتنين ب 15 و 16 حزيران، من الساعة 1 الضهر للساعة 4 الضهر لتقضوا أحلى وقت مع عيلتكن وتنبسطوا بنشاطات مميزة للولاد.

الرقم: 644 098 71 – 265 343 70

3. إجتمعوا مع عيلتكن ع أطيب بوفيه هالعيد عند أرض برمانا

أرض برمانا ناطركن هالأحد، الإتنين، والتلاتا ع بوفيه مفتوح من الأكل اللبناني، حفلة شوي بالطبيعة، أنشطة ممتعة للولاد، وقعدة بالطبيعة ما بتنتسى. 

الرقم: 901 190 03

View this post on Instagram

A post shared by ard broumana – ‘ard (@ardbroumana)

4. إحتفلوا بعيد الأضحى مع فعاليات سيتي سنتر بيروت المميزة

ع تراس السيتي سنتر، عيشوا أجواء العيد مع نشاطات زراعية، حرف وفن، ألعاب للولاد ونشاطات ممتعة للعيلة كلها! ناطرينكن من 15 حزيران ل 18 حزيران، من الساعة 3 الضهر للساعة 7 المسا.

5. عيشوا جو العيد عند مطعم قصر فخر الدين التراثي، برمانا

إطلعوا عند برمانا ودوقوا أطيب المأكولات الجبلية، الأكلات اللبنانية، وعيشوا مع ولادكن جو مميز مع أنشطة حلوة وممتعة. ناطرينكن السبت ب 15 حزيران من الساعة 2 الضهر للساعة 4 الضهر.

للحجز: 295 888 03 – 387 961 24

6. إستمتعوا بنهار حافل بالمغامرات والألعاب عند منتزه وملاهي Play Ville ببيروت

بتلاقوا ناطركن ببوليفارد كميل شمعون منتزه بيتضمن أحلى الألعاب الترفيهة وأطيب الحلويات لتقضوا نهار كامل من المرح مع ولادكن هالعيد.

الرقم: 711 888 71

وين رح تضهروا ع عيد الأضحى بلبنان؟ خبرونا بالتعليقات!

شوفوا كمان، دليلكن لأبرز ١٣ مهرجان حول لبنان لصيف ٢٠٢٤