بوظة مقلية أو مشوية؟ شوفوا هالإختراع الغريب العجيب بلبنان

ع مدخل مطاعم نهر البردوني بزحلة، مطرح بعج بالسواح والزوار وأهل المنطقة يلي بيقصدوا البردوني على الغدا والعشا، رح تشوفوا محل “بوظة ميا” أو المعروف ب”Sweet Shop“.

هالمحل الزغتور عندو اختراع ما بتلاقوا بولا أي محل تاني بلبنان: بوظة مقلية!

ميا عون، صاحبة المحل، بتعمل بوظة دق مقلية على إيديها، بتدقها بجرن معدني خاص، وبتضيف لإلها النكهات اللي بتحليها، لتطلع “البوظة العربية” يلي منحبها.

هالنوع من البوظة قديم كتير بمنطقة المتوسط، وخصوصاً بلبنان. بتطلع البوظة مقلية بالزيت مع كعك على الوج بنكهة القشطا، ومغطاية بالفستق الحلبي وصوص شوكولا على الوج.

بس ميا ما وقفت عند هالإختراع. من فترة، بلشت تبتكر شي جديد: بوظة مشوية على الفحم! سمعتوا صح، يعني بتاخد نفس البوظة العربية اللذيذة يلي منحبها وبتحطها على الفحم وبتحمصها شوي. أولكن كيف بتطلع طعمتها؟ يلي جربوها بقولوا إنو شي كتير مميز وغريب بس كتير طيب بنفس الوقت.

مش بس عم يعملوا بوظة طيبة، بلشوا يعملوا كمان صاج ، وأديه كل منقوشة عندن بتطلع رقيقة وخفيفة على البطن وكتير طيبة.

هالأفكار غريبة شوي، بس كتير من الناس جربوا البوظة المشوية والبوظة المقلية وقالوا إنها كتير طيبة.

شو رأيكن بتجربوا هالاختراع الغريب؟

العنوان: زحلة، البردوني
الرقم: 717 427 70

شوفوا كمان، اختراع بشق القلب والروح: فتة ورد جوري.