٥ وجهات خيالية لتعيشوا أحلى صيف بلبنان!

عبالكن تقضوا صيفية من العمر هالسنة؟ إخترنالكن بالمقال ٥ وجهات خيالية لازم تجربوها لتعيشوا أحلى صيف بلبنان!

1. Blue Jay Valley، جزين

منتجع بلو جاي فالي جوهرة جزين اللي بتتمتع بأجمل الإطلالات ع الوديان المغمورة بالصنوبر. هيدي الوجهة الصيفية بتجمع بين تجربة التخييم والفخامة لتقدملكن قعدة إستثنائية بأحضان الطبيعة الجبلية. 

بتلاقوا عند بلو جاي فالي مختلف القعدات لتقضوا ليلة من العمر! إذا انتو من محبي التخييم، عندن خيم مرتبة فيها كل وسايل الراحة. وكمان فيكن تختاروا بين  الأكواخ الخشبية اللطيفة أو بيوت الحجر الريفية، وكل مطرح عندو تجربة مميزة. بس شو ما كان إختياركن، رح بتكون قعدتكن بحضن الطبيعة الخلابة، لتستمتعوا بنسمة هوا باردة وقعدة رواق ما بتلاقوها وين ما كان بلبنان. 

اللي عبالو يقضي الصيف بالجبل، منتجع بلو جاي فالي ناطركن ع أروع قعدة ع المسبح، مهرب كتير حلو لتبوردوا فيه بأيام الشوب. وزيادة ع هيك، بتلاقوا عندن مطعم بيقدم سفرة كريمة، وكافة الخدمات اللي بتوفرلكن قعدة مريحة و وِنسة!

إذا قررتوا تقضوا الليلة عندن، بتفيقوا الصبح ع أجمل قعدة وأحلى مناظر طبيعية من أوّل ما تفتحوا عيونكن! بتقضوا نهاركن عم تستمتعوا بالمسبح والنسمات الجبلية. خبرونا، في أحلى من هيك؟

للحجز، اتصلوا على 008 880 78 – 112/3 811 07. وما تنسوا تابعوهن ع الإنستغرام هون. 

2. فالهالا، كفرعقاب

مين قال إن الهروبات الصيفية كلها عبارة عن بيوت ضيافة؟ فالهالا هو بار و مطل للغروب محبوب كتير، بتقدروا عندو تهروبوا من الروتين لكم ساعة بس لتستمتعوا بمشروبات منعشة ومنظر خيالي.

إذا كنتوا ناوييين تسهروا ليلة مع أصحابكن، هيدا المكان المناسب. إستمتعوا بليلة مليانة بالموسيقى، المشروبات، ومنظر بانورامي للخضار بمنطقة كفرعقاب.

الرقم: 138 331 81

3. دبل تي، الشبانية

مطرح مخبى بين غابات الشبانية، Double T هو المكان المثالي لترتاحوا بعيد عن عجقة المدينة. اللي بيعشقوا الجلسات بالطبيعة، كتير رح ينغرموا بهالمحل.

محاوط بغابات غزيرة، هيدا موقع مثالي لتبوردوا هالصيفية مع لقمة جبلية وكاس عرق!

4. تراس عبدللي، عبدللي

تراس عبدللي هو مشروع بيرجعلكن التراث اللبناني مع لمسات من الفخامة. بتلاقوا عندن أكل، مساحات إجتماعية، ومعصرة نبيد، يعني وجهة الأحلام لمحبي الرواق. 

انبسطوا ببيوت ضيافة، بوفيهات أسبوعية شهية، كروم العنب، المسابح، والمناظر الخلابة!

الرقم: 569 333 76

5. أو فلور دو سيل، أنفه

إذا ما كنتوا رح تسافروا على اليونان هالصيف، عنا بديل رائع. تعو على أنفه، البلدة الشمالية الجميلة بألوانها الأبيض والأزرق، وقضوا النهار أو ليلة عند “Ô Fleur De Sel”.

رح تكونوا مبسوطين لما تعرفوا انو بيوت الضيافة عندن قريبة ع شط أنفه المحبوب!

وين رح تقضوا هيدا صيف بلبنان؟

شوفوا كمان: