٩ مسابح جبلية تجربوها حول لبنان

ممكن مش عبالكن عجقة الشط بلبنان أو بدكن تقضوا عطلة بالجبل، كرمال هيك إخترنالكن ٩ مسابح جبلية لازم تجربوها هالصيف حول لبنان.

1. كانوبي، برمانا

كانوبي جاهز يستقبلكن لتقضوا وقت حلو عند المسبح تحت الشمس، وتستمتعوا بالطبيعة الخضرا بين صنوبر برمانا. عندن Infinity pool من فوق الوادي بتحسّسكن كأنكن قاعدين ع حفة العالم. ومش بس هيك، عندن عروض ترفيهية لتعيشوا سهرة مميزة بالجبل.

الرقم: 022 023 76

2. Caim، ميروبا

هالمطرح ملاذ بكل معنى كلمة. عندو أجواء هادية ورومانسية وسط الجبال الخلابة بميروبا، وفيلا بتصميم إستثنائي…كل اللي بتحتاجو لقعدة مريحة بوقت لحالكن أو مع شريك حياتكن، خصوصي مع المسبح االلي عندن بين الصخور ومخبى عن العالم.

الرقم: 494 649 81

3. منتجع Scappa، عجلتون

هالمنتجع بقدملكن مزيج فريد من نوعه من الراحة والرفاهية رح يخليكن تنسوا كل همومكن. إنغمسوا بجمال الطبيعة حولكن، وفيكن تقضوا يومكن عم تسترخوا عالـ pool أو تدللوا حالكن بتجربة spa.

الرقم: 760 710 29

4. تشيل هيل، وطى الجوز

إهربوا من عجقة ع منتجع قاعد ع تلة مغمورة بالغبات الكسروانية بمنطقة وطى الجوز. فيكن تقضوا النهار، تسهروا، أو تناموا الليلة عندن ببيوت الخشب. خلال النهار، بتقدروا ترتاحوا، تروقوا، تسبحوا بالمسبح، تستمتعوا بالشمس، وحتى تروحوا على مغامرة بالغابة.

الرقم: 458 775 76

5. كاكتوس, عين الحور

هالمكان عبارة عن getaway مميز بعين الحور الدبية، بيوعدكن بتجربة هادية هالصيف، فمتأكدين انكن رح تحبو هالنوع من الإجازة بعد أسبوع طويل من الشغل. مع مناظر ساحرة بتخطف الأنظار، ممكن كمان تحجزو هالescape لإلكن ولأصحابكن وتقضوا وقت حلو بالمسبح.

الرقم: 112 481 03

6. Hideaway، كفرمتى

مكان بيقدملكن تجربة متل المنتجع بوحدة من أجمل المناطق الجبلية، ضيعة كفرمتى. عدا عن المغامرات اللي ممكن تعيشوا بالمنطقة، هالمطرح بيقدملكن مسبح مميز لتقضوا فيه الويك-اند عم تسترخوا.

الرقم: 631 790 71

7. BARCOO، بعقلين

إذا كنتوا ناويين تستمتعوا بيوم كامل جنب المسبح، أو ببساطة بدكن تنبسطوا بالهوا الجبلي والمنظر من فوق، باركو هو مكان حلو لتزوروا مع العيلة أو مع مجموعة كبيرة من الأصحاب. كمان عندن مطرح للشوي لتعملوا حفلة شوي بالجبل.

الرقم: 690 767 70

8. بيت نون، مشمش

بيت من الخيال عمرو 100 سنة ناطركن بقلب مشمش جبيل. مطرح رح يدهشكن، مش بس من خلال المناظر الخلابة، بس كمان من خلال الديكور التراثي الاستثنائي! واحد من أجمل بيوت الضيافة اللي فيها مسابح بالجبل.

الرقم: 121 272 03

9. بيوت غلبون، غلبون

بيت ضيافة للعيلة مخبى بين وديان غلبون، فيكن تستمتعوا بالمنظر الجبلي من المسبح، وتجتمعوا ع بوفيه حلو نهار الأحد. هالمكان بالجبل بيقدملكن بيوت حجر، مع منظر خيالي للغروب، ومطعم لتكمل قعدتكن.

الرقم: 666 771 76

اي مسبح من هل مسابح جبلية رح تختاروا؟

شوفوا كمان، ٧ مسابح للسيدات فقط حول لبنان (مع أسعار الدخولية!)