٧ مطاعم رومانسية قاعدة على البحر بلبنان

بهيدا الطقس، ما في أجمل من القعدة مع الحبيب إلا القعدة مع الحبيب على البحر بتكون بتضمن أكيد الأكل الطيب والمنظر الساحر. لهيك جمعنالكن اليوم ٧ من أفضل المطاعم عنا يلي قاعدة على البحر بلبنان مع جو رومانسي، نقوا واحد من هالمحلات تروحوا علين مع حبيبكن.

١. Le Canoe، ضبيه

مطعم “Le Canoe” بضبيه هوي المكان المثالي لقضاء ليلة رومانسية على شط البحر. بيتميز المطعم بإطلالتو الخلابة على البحر وديكورو العصري والأنيق، وخدمتو الممتازة. بقدم مينو متنوع من المأكولات البحرية واللبنانية، بالإضافة لمجموعة كبيرة من المشروبات. بتجوا مع حبيبكن وبتتفرجوا على منظر البحر قبالكن وبتعملوا ذكريات سوا ولا أروع.

الرقم: 111 381 76

٢. Se by Ocean Blue، جبيل

كلو أجواء رومانسية وحميمة بتكملها القعدة على منظر مغيب الشمس. بيتميز المطعم بأجوائو الرايقة والمريحة، وإطلالتو على شط جبيل. بقدم عدة أصناف من المأكولات البحرية الطازة، بالإضافة لمجموعة متنوعة من المأكولات اللبنانية والعالمية. صراحة قد ما نحكي عن جمال هالمكان، بيعجز الكلام بس لازم على الأكيد تزوروا وتعملوا حساب للصور الرومانسية.

الرقم: 333 111 81

٣. غريكو، جبيل

مطعم يوناني بقدم تجربة طعام مميزة على شط البحر. بيتميز المطعم بديكورو المستوحى من الجزر اليونانية، وأجواء المليانة حب وغرام، والموسيقى اليونانية الحلوة. بقدم عدة أصناف من المأكولات اليونانية اللذيذة، بالإضافة للمأكولات العالمية ومجموعة واسعة من المشروبات. هلق يلي رح تستهضموا بهالمحل، إنو في سيارة زغيرة ومهضومة بتجي تاخدكن وبتنزلكن على المطعم.

الرقم: 605 330 76

٤. Pieds dans L’eau، حامات:

بقدملكن تجربة فريدة من نوعها، إنتو وحبيبكن رح تغطسوا إجريكن بالمي إنتو وعم تاكلوا. بيتميز المطعم بأجوائو الرايقة والرومانسية، وديكورو المستوحى من الجزر اليونانية، وخدمتو الممتازة. بقدم عدة أصناف من المأكولات البحرية الكلاسيكية، بالإضافة لمجموعة واسعة من الكوكتيلات المنعشة.

الرقم: 053 005 71

٥. ياماس، أنطلياس

موسيقى يونانية، والمأكولات اليونانية اللذيذة، والقعدة المريحة حد البحر، يمكنك حتستمتعوا بأجمل جو من الطعام والمزاج الرومانسي. المكان حلو كتير مستوحى من عالم البحار، مزين بالأبيض والأزرق وتماثيل الآلهة اليونانية. من الديكور للقعدة للأكل والزهور، التجربة الرومانسية هون ما لازم تروحوها عحالكن.

الرقم: 352 030 03

٦. Fidar Beach House، الفدار

جايبلكن تجربة طعام مميزة على شط البحر دغري، نقو تكون طاولتكن على البحر دغري لتاخدوا أجمل صور. بيتميز بأجوائو المتوسطية والمليانة بالحياة والحب، وديكورو الأنيق، وخدمتو الممتازة. بقدم المطعم مينو من المأكولات البحرية واللبنانية المتنوعة، بالإضافة لمجموعة مميزة من المشروبات. ما في أجمل من القعدة مع الحبيب على المغيب مع كاس نبيد.

الرقم: 793 783 81

٧. مرشاق على البحر، البترون

منا بحاجة نحكي كتير عن هيدا المحل، بس منحب نقول إنو أكلن هوي من بين الأفضل والمنظر ولا أجمل من هيك منظر على البحر دغري، والأجواء في حميمة. بلشت الصيفية، فحتكون أحلى قعده عند هيدا مطعم على صوت الموج إنتو وعم تشوفوا الشمس عم تغيب ورا الأفق وتاخدوا أجمل الصور سوا.

الرقم: 888 948 76

شوفوا كمان، ٧ مطاعم خرج ضهرة مع العيلة بالشوف.