٧ مطاعم خرج ضهرة مع العيلة بالشوف!

عبالكن قعدة جبلية ساحرة بقلب الشوف؟ اليوم رح ناخدكن على ٧ مطاعم صيفية بالشوف خرج ضهرة مع العيلة بالويك-أند.

١. شلالات الباروك، الباروك

عبارة عن مطعم قاعد على الشلالات وجايبلكن أطيب المأكولات اللبنانية يلي بتحبوها مع منظر بطير العقل. بتطلعوا مع الولاد وبتقضوا وقت حلو بعيد عن العجقة والضجة.

الرقم: 922 901 81

٢. مطعم اليمين، نبع الصفا

مطعم عائلي بقدملكن أطيب المأكولات البيتوتية مع منظر على الشلالات وقعدة جبلية ساحرة، عندن كمان ألعاب للولاد ومحل ليسرحوا ويمرحوا.

الرقم: 073 746 03

٣. Old Rock، عين وزين

عندو قعدة مميزة مع شلالات وأكل طيب وسفرة لبنانية أصيلة مع موسيقى وجو تراثي وأكيد الولاد رح يمبسطوا بالأكل الطيب والكزدورة الحلوة وأهم شي الألعاب يلي ما بيخلصوا.

الرقم: 551 619 03

٤. مطعم المملكة، الباروك

عبارة عن مطعم تراثي من حجر مع بركة مي وقعدة على الشلالات وجلسة جبلية بإمتياز خرج مشوار نهار الأحد مع العيلة والولاد والقرايب.

الرقم: 143 865 03

٥. Casa de Campo، مزرعة الضهر

هالمحل كتير مهضوم ومميز ومليان ألوان، بقدم بوفي نهار الأحد للعيلة كلا، القعدة بالطبيعة بتفرفح القلب بين الشجر والورد، كمان عندن ألعاب للولاد ومراجيح وفسحة ليسرحوا ويمرحوا ويتسلوا.

الرقم: 679 060 71

٦. شلالات نبع مرشد، المختارة

عبارة عن مطعم قاعد فوق الشلالات وفيو ريحة لبنان، بيتميز الديكور اللمسة اللبنانة الجبلية يلي بحبا قلبكن إن كان من ورا قعدتو المريحة أو من ورا طريقة تقديمو للأكل، الولاد كمان عندن كمان فسحة يلعبوا.

الرقم: 220 310 05

٧. الطاحونة، بعقلين

عبارة عن مطعم قاعد على النهر خرج ضهرة مع العيلة، عندن قعدة جوا وقعدة برا بس بالصيفية القعدة برا أحلى بكتير بهالبرودات. الولاد رح بكيفوا بمنظر المي وصوت المي والقعدة دغري على الشلال والأكل الطيب والكزدورة على الجبل.

الرقم: 802 885 76

شوفوا كمان، زوروا هال٨ المسابح الخاصة بلبنان!