شو قصة آيس كريم اللي ب ١٠٠ ألف بالشياح؟

بتعرفوا انو فيكن تدوقوا أطيب بوظة آيس كريم ع أوريو مع ألذ الإضافات بس ب ١٠٠ ألف ليرة؟ مشوا نخبركن وين! رح ناخدكن عند محل آيس كريم الملك المشهور بالشياح، عامل بوظة ماري كريم بتشهي هالصيفية و بأحلى الأسعار. 

هالمحل صرلو من قبل سنة ٢٠٠٠ فاتح بالمنطقة، ومعروف بالبوظة الطيبة. ومؤخراً كتير انشهر بآيس كريم الأوريو اللي بس ب ١٠٠ ألف ليرة! فيكن تجربوها الماري كريم بالكباية أو كورنيه، وبتجي معرّمة لراسها مرشوش عليها بسكويت الأوريو وصوص الشوكولا الغنية، وشكلها بيشهي! 

هالبوظة كتير عملت ضجة ع السوشيال ميديا، وكتار زاروا المحل ليجربوا أديه طيبة وحجمها كبير وكمان سعرها حلو، شوفوا هون:

بتلاقوا الآيس كريم ع مختلف الطعمات، طعمة الأوريو، اللوتس، شوكو مو، حليب وفريز، حليب وشوكولا، وأغلى بوظة بتلاقوها عندو ب ١٥٠ ألف ليرة. 

محل مهضوم ولزيز تجربوا عندو بوظة الماري كريم مع ولادكن، أو رفقاتكن، خصوصي هلق بالصيفية يبورد قلبكن بالشوب أو بعد مشوار البحر!

شو رأيكن؟ يلا نجرب آيس كريم الملك هالصيفية! للمزيد من المعلومات، اتصلوا بآيس كريم الملك ع الرقم 315 668 76. وما تنسوا تابعوهن ع حسابن الإنستغرام هون. 

شوفوا كمان:

هيك أسعار كيلو البوظة المشكل عند أشهر المحلات بلبنان!

أطيب ٩ محلات بوظة عربية بلبنان

 لمحبي الحلو البيروتي، المكاري عامل بوظة ع مفتقة!