مطعم برغر مستوحى من الكابتن ماجد، شوفوا هون!

بتذكروا أيام الصغر لمّا كنا نقعد ساعات عم نحضر ع سبيستون؟ كان من أحب المسلسلات ع قلبنا هو “الكابتن ماجد”، ما كنا نقفي ولا حلقة، وتضل أغنية الشارة علقانة براسنا. اليوم رح ناخدكن ع مطعم كتير مهضوم، برجّع أيام الطفولة من كدشة برغر! مشوا نتعرف سوا ع مطعم برغر الأبطال، محل زغير بمنطقة فرن الشباك مستوحى من مسلسل الكابتن ماجد!

دغري جنب كافيه هوك بفرن الشباك، بتلاقوا محل بيرجعلكن كل ذكريات الجيل الدهبي. مطعم برغر الأبطال بيقدملكن تجربة إستثنائية ببيروت، بتجمع اللقمة الطيبة والذكرى الحلوة بمطرح واحد. وعندو ديكور مهضوم مستوحى من الفوتبول والكرتون!

تعرفوا عند برغر الأبطال ع “فريق السعادة” اللي هو عبارة عن منيو من أنواع البرغر اللي بيشهي ومعمول ع أصولو! المحل Open kitchen فبتشوفوا كل شي عم يتحضر قدامكن. 

عندو منيو شهية من ٥ مقبلات و ٦ برغر، ومتل ما هني بيقولو “الرابح واحد…أنت!” جربوا عندو برغر الهاني باربكيو أو البافلو الحرّ مع الدجاج المقلي المقرمش، أو برغر غريلد تشيكن المشوي مقدم مع أشهى الصوص والبطاطا المقرمشة. كمان بيعمل التشيز برغر بطريقة غنية وشهية، عدا عن انو فيكن تطلبوا فرايز وتعبوّ أد ما بدكن! 

عندن طبق اللوديد فرايز بالدجاج معرّمة بطاطا وطعمات غنية، كتير حلو تجربوها انتو وعم تحضروا مسلسل الكابتن ماجد عندن وتسترجعوا الذكريات مع أصحابكن. 

ومش بس هيك، فوق التجربة المميزة بتلاقوا الأسعار الحلوة! 

المحل بيفتح كل يوم ما عدا نهار الإثنين، وما تنسوا تابعوا ع الإنستغرام هون. 

شوفوا كمان، حديقة تحت الميّ بنص بحر صيدا، شوفوا هون!