٥ بيوت ضيافة مع جاكوزي بلبنان!

عبالكن ضهرة وشوية راحة وسترخاء؟ حضرنالكن ليستا من بعض بيوت الضيافة مع جاكوزي بلبنان لقعدة من العمر هالصيفية.

١. باينفيل، برمانا

عبارة عن مجموعة بيوت خشب قاعدة بقلب غابة الصنوبر، المنظر من كل بيت رح ياخدكن على عالم الأحلام، كل البيوت مجهزة بكل شي ممكن تحتاجوا وكمان جاكوزي بطل على منظر ساحر.

عندن كمان بانيو وساونا، يعني بتلاقوا الملاذ الآمن لما جد بدكن تهربوا من عجقة وتلوث المدن.

غير هيك، فيكن تعملوا حفلة مشاوي بالمساحة البرانية والأسعار كتير مناسبة بتبلش ب75$، عندن كمان بيسين مشترك ومحل مفتوح للسهر والألعاب وغيرها.

مش بس هيك، هالمحل بيبعد بس 20 دقيقة عن بيروت وقريب كتير من المطاعم وسوق برمانا والمحلات يلي العالم بيقصدوها وبنفس الوقت بوفرلكن الهدوء والاسترخاء يلي عم تنبشوا علي.

فيكن تتخايلوا حالكن عم تناموا بهيك محل وعم ترجعوا تفيقوا على هالمشهد.

الرقم: 736 363 71

٢. إيوريكا، الشوف

ب طل بيت القبة على غابات الأرز بمنطقة الشوف الجبلية وسط جو من أجمل ما يكون.

بتفيقوا على صوت العصافير وبتتروقوا لقمة بلدية ولا أطيب من هيك.

وإذا إجا عبالكن بتغطسوا حالكن بقلب الجاكوزي وبتسترخوا إنتو وبقلب الميات والهوا عم يمرح.

الرقم: 382 804 81

٣.غلامبنج، مغدوشة

بيت خشب قاعد بالطبيعة عندو قعدة من العمر وديكور مع تفاصيل كتير بسيطة بس ساحرة.

فيكن تجو تقضوا وقت حلو ومريح بقلب هالبيت تغطسوا حالكن بالجاكوزي وتعيشوا لحظات رومانسية مع كل المناظر الطبيعية الخلابة.

مش بس هيك إنتو قادرين تدلكوا حالكن بمركز السبا الموجود بقلب هالبيت مع فيو خيالي بجرود مغدوشة.

الرقم: 707 157 70

٤. The Lost Cabin، الفوارة

هالمحل عبارة عن بيت ضايع بقلب الطبيعة بين الشجر والوديان وجايبلكن تجربة الجبل اللبناني على الأصول مع كل العناصر العصرية يلي بتحلموا فيها.

من الترويقة للقعدة على الفرندا مع البرودات وأكيد ما فينا ننسى قعدة الجاكوزي المحاطة بالخضار والشجر.

تخايلوا حالكن عم تشربوا فنجان قهوة وتروقوا أعصابكن على البلكون، وبس تخلصوا بتقعدوا بقلب الميات وبتسترخوا مع أجمل منظر بلبنان.

الرقم: 221 102 70

٥. MIST، إهدن

ما في أجمل من القعدة بتطل على مناظر من أجمل ما يكون بالشمال وإنو وعم تبوردوا بقلب الأوتيل وتكبوا همومكن على جنب.

استمتعوا بنكهات إهدن الشهية والقعدة بقلب المسبح مع منظر خيالي، ارجعوا استفيدوا من خدمة السبا المميزة ونقوا غرفتكن الخاصة فيكن.

إهدن ضيعة لبنانية تراثية فيها كل شي عم تنبشوا علي لتقضوا عطلة مثالية، هالأوتيل رح يستقبلكن ولأن إنتو بتستاهلوا برودات إهدن الحلوين وهوي كمان مجهز بكل شي ممكن تعوزوا.

الرقم: 552 111 79

شوفوا كمان، تعرفوا معنا على ٥٠ مطعم بالبترون.