أجمل ٧ منتجعات بتسفّركن ع المالديف من شط لبنان

عبالكن تعيشوا صيف غير شكل بلبنان ومن دون ما تسافروا؟ بما انو دخلنا ع موسم الصيف وفتحت أغلب الشواطئ، والمنتجعات، والمسابح، قررنا نعملكن دليل كتير رح تستفيدوا منو هالموسم، خصوصي إذا انتو من عشاق السفر. خلونا ناخدكن على أجمل ٧ منتجعات بتسفّركن ع المالديف من شط لبنان. 

1. C Flow، جبيل

سي فلو منتجع بياخدكن ع شواطئ المالديف، من أكواخ ومسابح بيضا، أجوائه الإستوائية، وخيم القش الساحرة. عيشوا عطلة من العمر بلقب بانغلو إستوائي، مع جاكوزي وقعدة ع الشط روعة. 

الرقم: 703 039 03

2. Ocean Blue، جبيل

استرخوا جنب المسبح ع كراسي من القش وبقلب منتجع إستوائي من جبيل. أوشن بلو من أجمل المنتجعات بجبيل لتقضوا صيفية مميزة، وما تنسوا تحجزوا عشا رومانسي ع الشط!

الرقم: 046 796 09 

3. Janna Sur Mer Beach Resort & Hotel، الدامور

جنة سورمير معروف كتير لأجوائه الاستوائية الإستثنائية بلبنان، مطرح بياخدكن ع المالديف بمسابح بتطل ع البحر، وخيم القش الحلوة. تشمسوا ع تخوتة بيضا جنب المسبح، أو قضوا النهار كامل عم تسبحوا. 

الرقم: 777 367 03 

4. Laguava Resort، الرميلة

هالمنتجع المميز بيقدملكن أكواخ القش وقعدة المالديف من شط الرميلة. قضوا نهار كامل عم تسبحوا أو تتشمسوا، وبالليل تفرجوا ع غروب الشمس، مع مشروب طيب، وقضوا وقت من العمر مع شريك حياتكن!

الرقم: 554 141 03

5. Orchid Hotel & Beach، الجية

أوركيد بيحسسكن إنكن بجزيرة بنص البحر، مع جاكوزي جنب الشط وأجواء ما بتشوفوها إلا بالمالديف. هالمنتجع مطرح مثالي للعشاق إذا عبالن يقضوا شهر عسل إستثنائي من دون ما يسافروا بلبنان. 

الرقم: 420 040 03

6. الروكا مارينا، شكا

الروكا مارينا مشهور بالمسابح البيضا اللي بتحسسكن إنكن ع جزيرة!

عندن قعدة كهف رومانسية عالبحر، عبارة عن  أوض على موديل كهف، فيها جاكوزي وإطلالة بحرية وأجواء مميزة لتقضوا صيف حلو مع الشريك!

الرقم: 444 714 81

7. Tropical 6، البترون

تروبيكال 6 منتجع فتح هيديك الصيفية ع صخور البترون. استأنسوا بعطلة صيف مع كل القعدات الإستوائية اللي عندن، إن كان بقلب غرف الأوتيل المطلة ع البحر، أو تحت خيم القش ع الشط. 

الرقم: 862 267 81

حابين تعرفوا كيف أسعار دخولية المسابح والشواطئ هالسنة؟ شوفوا المقال هون.