لقينالكن قعدة عتيقة وأكل جبلي من فوق جرود المتن!

اليوم رح نطلع مشوار خيالي ومن العمر على جبل من جبال المتن، على ضيعة المروج المعروفة ببروداتها الحلوين وهواها النضيف وجمال طبيعتها. مخبى بين شوارع هالضيعة مطعم غير شكل عن كل المطاعم وإسمو مطعم صبحي.

أول شي رح يلفتكن ريحة الطبيعة والشجر المعباية المحل، ومش بس هيك القعدة من إيام اللولو بترد الروح وبتخلي القلب يدق. الكراسي خشب خيزران متل ببيوت التيتا لتستمتعوا بكل لقمة وما بتكمل القعدة من دون فنجان قهوة سخن.

جربوا خدوا طاولة دغري على التراس حد العرايش المدندلة! و عند مطعم صبحي الفيو خيالي وبيطل على الجبال والوديان على مد عينكن والنظر. حتى منظر مغيب الشمس عندن رح ياخدكن لغير عالم…. ما فينا نخبركن قدي حلو وقدي رح تريحكن القعدة هون.

بتوصلوا بتشربوا شي لتبوردوا بترجعوا تتأملوا جمال المكان وهدوء الطبيعة وبتاكلوا أطيب أكل لبناني على الأصول.

الأكل كتير طيب! لقمة لبنانية أصيلة من مازة ومشاوي و صاج وكبة نية وفوارغ وأكلات لبنانية من كل شي بيخطر عبالكن. وفوق هيم مع قعدة بتطير العقل.

إذا كنتوا عيلة بتحب الضهرات او أصحاب وعبالكن قعدة بعيدة عن الشوب، هالمحل مناسب إلكن غير عن الأكل الطيب والكرم، عندن الفيو على جبال ووديان جرود المتن.

العنوان: المروج، المتن
الرقم: 116 384 03

شوفوا كمان، ١٠ مطاعم على النهر خرج ضهرة مع العيلة بلبنان!