مطعم تراثي قاعد فوق البحيرة: أجمل منظر بالزعرور وين؟

فوق بحيرة زرقا متل لون السما، منظر المي يلي فيها بريح النظر، هون قاعد هالمطعم التراثي اللبناني لي يلي بعد ما قرر يترك كل شي ويزوروا بكون عم بروح علي كتير وكتير.

رح نطلعكن اليوم مشوار على الجبل اللبناني وتحديداً على منطقة الزعرور وعلى مطعم ما في متلو “قصر البحيرة“، مطرح ما الجبال الشامخة بتغمر بعضها ومطرح ما عشاق الطبيعة والطرقات الجبلية بيجتمعوا.

هيدا المطعم عبارة عن قصر قرميد وحجر بيشبه بيوت الأمرا والملوك، بيتميز بقعدة قناطر وبرك مي ومنظر فوق بحيرة على مد عينكن والنظر.

ما في أجمل من هيك منظر ومن هيك فيو، عنجد بتستحلوا كل لقمة وكل كدشة على صوت المي وبتسمعوا بالشتوية صوت الشتي فوق صوت المي بالبحيرة بالصيفية وبتشموا ريحة الزهر.

الأكل لبناني أصيل ومحضر بكل دقة وفن من مشاوي ولحوم على أنواعها لأطيب أصناف المازة اللبنانية والحلويات وما فينا ننسى الفواكة الطازة مع كاس عرق على رمرمية.

عندن جوا نملية بحطوا فيها كل شي في مونة عندن ومربيات، بتحسوا حالكن سافرتوا سنين لورا.

نقوا طاولتكن تكون دغري فوف البحيرة لتشموا ريحة المي ولتشوفوا هالمنظر الخلاب. بعد الغدا ما تنسوا تمذمذوا فنجان قهوة على رواق وفيكن تطلبوا معو شوية بسكويت وراحة.

شايفين قدي معقول تكون القعدة خيالية؟

العنوان: الطريق العام، الزعرور
الرقم: 200 296 04

شوفوا كمان، ٦ مطارح إيطالية قاعدة بالضيعة بلبنان!