أخيراً، صار فيكن تجربوا ترند شوكولا دبي الشهير بلبنان!

ما بقي حدا إلا ما شاف فيديوهات ترند شوكولا دبي اللي انتشرت بشكل واسع بالعالم العربي كلو! كيف إذا خبرناكن انو صار فيكن تجربوها بلبنان؟

الخبرية بلشت من محل الحلويات FIX Dessert Chocolatier، انشهر كتير بسبب شوكولا فريدة و جديدة اللي بيعملها بدبي.

هالحلو اللي اكتسح مواقع التواصل الإجتماعي وتهافتت الناس لتجربوا كل خبريتو انو تمّيز بالنكهات الفريدة، وتحديداً الشرقية! هو عبارة عن لوح من الشوكولا مع حشوة كنافة مقرمشة كتير وعجينة الفستق الغنية، وتخايلوا سعرو ٨٩ درهم، يعني ٢٤$! وكمان عندن طعمات مميزة متل البقلاوة، التشيز كيك، الكراميل، اللوتس، وغيرها من اللي حبّوها الزباين.

وهلق صار فيكن تعيشوا هيدي التجربة اللذيذة عنّا بلبنان! لقينالكن محل كاندي كورنر Candy Corner بيقدموا شوكولا متل ترند شوكولا دبي، شوفوا الفيديو هون:

محل كاندي كورنر كمان بيقدملكن هالشوكولا بالطعمات المميزة من الكنافة بالفستق، اللوتس المقرمش، البراونيز، وحتى البقلاوة. الشوكولا من أجود نوعية، وبيعملوهن بأشكال وأحجام متنوعة خصوصي إذا عندكن مناسبة وعم تحضروا للضيافة.

وللصراحة، منظر حشوة الفستق مع الكنافة بيشقوا القلب!

لتعرفوا أكتر، تابعوا حساب Candy Corner ع الإنستغرام هون.

فيكن تطلبوا أونلاين عبر الأرقام: 334 679 81 – 356 436 71. وعندن توصيل ع كل لبنان! 

شو رأيكن؟ وفّرنا عليكن سفرة ع دبي ولا شو؟

شوفوا كمان، بوكيه ورود؟ صارت دقة قديمة لأن صار في بوكيه جنارك!