إنضموا لعشا LRI الخيري: جهود ١٠ سنين لإعادة التشجير بلبنان!

عم تواجه غابات لبنان خطر الإزالة بشكل واسع، وهالشي من بعد ما كانت خضرة ونابضة بالحياة بالسابق. بس نحنا قادرين نغيّر هالواقع، خصوصي لما يكون في جمعيات متل جمعية التحريج في لبنان (LRI) اللي هدفها تعمل فرق بيئي بالبلد. بالرغم من قلّة التدخل الحكومي، جمعية LRI أخدت ع عاتقها مهمّة إحياء الطبيعة الخضرة بلبنان، كل شجرة بشجرتها.

LRI تعتبر وحدة من أهم الجمعيات لتعزيز ارتباطنا مع البيئة مع تركيز أساسي على إعادة التشجير المستدام، من خلال خلق بيئات آمنة وسليمة للحياة البرية، وتمكين المجتمعات المحلية لاتخاذ الإجراءات. بالفعل، الشغل تبعن حقق تأثير كبير، وهلق عم ياخدوا خطوة جريئة للأمام.

حتى تدعم وتحافظ على مشاريعها المبتكرة، LRI رح تستضيف حفل عشا خيري الشهر الجايي. الحدث هدفه جمع التبرعات لأول مركز إيكولوجي تعليمي للشباب بلبنان، ومتابعة جهود الجمعية بتشجير الغابات المشتتة.

شو ناطركن بحفل LRI الخيري؟

رح يتخلل الحفل أجواء حلوة، من موسيقى لايف، أكل طيب، وناس بتشاركن الشغف للحفاظ ع غابات لبنان. بلشوا ليلتكن بالمشروبات الافتتاحية والموسيقى، مع معرض إستثنائي للفن المستدام. رح يكون فيه عرض رقص من Nadine Antoun Entertainment، بعدها عرض أزياء من Designer 24 ومزاد من Designer 24 وBe Different. الليلة رح تختم مع عروض موسيقية لايف من 8eme Art و Dia & the Band، و DJ.

جمعية LRI صرلها بتشتغل بكل شغف وفعالية من أول ما تأسسّت سنة 2014، وقد تجاوزت إنجازاتها التوقعات. ومنقدملكن بعض من أبرز إنجازاتها:

– زراعة 1,551,290 شتلة

– تحقيق نسبة 76% من متوسط معدل البقاء ع قيد الحياة

– إدارة 4,775 هكتار من الأرض

– خلق 18,470 فرصة عمل

– مشاركة 27% من النساء

– مشاركة 65% من فئة الشباب

– تعاون 241 مجتمع بلبنان

للمساهمة بهيدا المشروع المميز ولتقضوا ليلة ما بتنتسى، فيكن تحجزوا التذاكر لحفل العشا الخيري عبر Virgin Ticketing إذا بتكبسوا ع الرابط هون.

بتلاقوا ع موقعن الإلكتروني عدة طرق لتدعموا شغلن البيئي وتصيروا مساهمين فاعلين. حتى فيكن تتبنوا شجرة، عيلة من الشجر، أو حتى موقع كامل من خلال الرابط هون.