طاولة باكيش راجع هالويك-اند مع أطيب بوفيه للعيلة!

طاولة باكيش راجع هالسبت ب ٢٥ أيار! هالمطرح المميز اللي فتح السنة الماضية ناطركن من جديد ع أطيب بوفيه مع العيلة من قلب طبيعة بسكنتا. 

عميق، دير القمر، دوما، وكمان باكيش هني وجهات مميزة ل تستمتعوا بسفرة سوق الطيب المحبوبة. سوق الطيب معروفين بإعتماد أسلوب المطبخ المفتوح أو Open kitchen، بيشتغلو مع أشطر طباخين وستات محليين من الضيع بلبنان، تخصصو بالأكل التراثي ليقدمولكن الأفضل ع طاولة بتمثل الكرم البلدي وتنوع المطبخ القروي. 

شو ناطركن بقناة باكيش هالويك-اند؟

إفتتاحية الموسم لطاولة باكيش رح بتكون السبت ٢٥ أيار، و بتبلش من الساعة ١١ الصبح. من أطيب القصص اللي ممكن تجربوها الصاج، طبخة البازيلا، وليموناضة، وبعدها ع الساعة ١ الضهر فيه بوفيه كامل من غدا تراثي مع قعدة جبلية أكتر من رائعة. 

احجزوا انتو وعيلتكن، اطلعوا ع بسكنتا هالعطلة واستأنسوا بغدا روعة بقلب بستان التفاح، وقدامكن منظر خيالي للجبال الكسروانية. وحدة من أجمل المشاوير مع العيلة هالموسم، خصوصي مع الهوا البرود والقعدة الجبلية الزصيلة.

تعرفوا عند طاولة باكيش على ناس طيبة من مختلف لبنان، تعلموا الوصفات المحلية والأكلات الإستثنائية مع طباخين سوق الطيب المحترفين وتعرفوا ع إبداعاتن بالمطبخ اللبناني. مكان رح يستقبلكن بالروح الحلوة، الطاقة الإيجابية، القعدة بالطبيعة، والنفس الجبلي ع الأكل.

طاولة باكيش بتفتح كل سبت وأحد وبالأعياد كمان! للحجز والمزيد من المعلومات، إتصلوا على 301 767 81.