١٠ بيوت ضيافة مع بيسين حول لبنان!

مين محمس للصيفية؟ ما بتحلى الصيفية من دون عنصر أساسي ومهم كتير لي هوي المسابح والشعور الحلو لي بتمنحنا يا القعدة بالمي. خلينا ندلكن على ١٠ بيوت ضيافة مع بيسين حول لبنان مطرح ما رح فيكن تقضوا وقت من العمر ونعرفكن على مميزات كل محل.

١. Villa Joie، فتري

عبارة عن بيت ضيافة موجود بمنطقة فتري بجبيل، محاط بالشجر والورود والزيتون من كل الميلات وبيكشف على أجمل المناظر الطبيعية. بعض هالفيلات بيتميز بالجنينة الخاصة والبعض بالبيسين الخاص، بالإضافة للمسبح الموحد يلي الكل في يتشارك في لحظات السعادة.

الرقم: 950 009 76

٢. La Maison du Maquis، عبرين

فيلا مزينة بالعشب المندندل والورد، الحجر القديم والشجر والبلكونات الحلوة، بتحسوا حالكن قاعدين بشي ضيعة بآخر الدني. عندن قعدة بيسين مميزة لكل مين عبالوا يرخيها مزبوط.

الرقم: 960 324 01

٣. بيوت غلبون، غلبون

عبارة عن بيت حجر مميز عندو بيسين وقعدة بتطير العقل بالطبيعة بين الشجر والورود، بتجوا لتقضوا يومين حلوين بمنطقة جبلية ساحرة وبعيدة عن العجقة.

الرقم: 666 771 76

٤. بيت البترون، البترون

عبارة عن بيت بتروني بخليكن تحسوا بالسعادة من أول ما تفوتوا علي، عندن مرجوحة بقلب البيت وقعدة حجر بترد الروح. عندن كمان بيسين قاعد بقلب الطبيعة بخليكن تسرحوا بأفكاركن لبعيد وتحسوا بجو التراث العتيق.

الرقم: 049 270 03

٥. The Chill Hill Experience، وطا الجوز

عبارة عن بيوت خشب مع قعدة بيسين مميزة بين الشجر والجبال والوديان، الشمس واطية بتاخدو لون كتير حلو وبنفس الوقت بتقضوا وقت بعيد عن ضجة المدينة.

البيسين رح يفتح قريباً

الرقم: 458 775 76

٦. بيت الياسمين، صور

عبارة عن بيت مخبى بين الشجر والورود. في بيسين رائع ومحاوط بالورد الأحمر مع قعدة بيرغولا ومنظر مميز على الطبيعة لكل مين عبالوا ينعزل عن العالم شوي ويعيش كم يوم حلوين.

الرقم: 888 372 03

٧. سكابا، عجلتون

عبارة عن بيت ضيافة موجود بمنطقة عجلتون، بين الطبيعة والوديان وعندن قعدة مراجيح ومطعم وسبا وبيسين بقلب الغابة.

الرقم: 070 106 70

٨. كاسادار، طريق عنايا

بيت ضيافة من حجر بتلاقوا على طريق مار شربل، عندو بيسين ساحر بطل على الوديان والجبال، من جوا البيت مجهز بكل شي بيخطر على بالكن وعندن كمان مطعم وقعدة على التراس ومراجيح وحمام روماني.

الرقم: 059 019 03

٩. لا مونيا، القبيات

عبارة عن بيت ضيافة موجود بأحضان القبيات، بيتميز بقعدة ساحرة بقلب الطبيعة ومنظر بياخد العقل. شبابيك الأوض الزرق بتكشف على أجمل المناظر الطبيعية وصوت الطبيعة والرواق رح يخلوكن تسرحوا بأفكاركن وتنسوا كل شي. وبس بدكن بتغطسوا حالكن بالبيسين وبرتاحوا من كل شي قالقكن.

الرقم: 638 154 70

١٠. Abdelli Terraces، البترون

بيت ضيافة قاعد بقلب البترون بيتميز بجلسة تراثية وموديرن بنفس الوقت مع طلة على التراس وقعدة من الأحلام، وأوض ساحرة مع ديكور ممزوج بين القديم والجديد. بنفس الوقت هالبيت منو بعيد كتير عن السوق والبحر والمحلات والقهاوي والقلب النابض للمدينة. عندن أكيد بيسين لكل حدا عبالوا يرخيها وياخد لون حلو.

الرقم: 569 333 76

شوفوا كمان، ١٥ مطعم مأكولات بحرية مع قعدة على البحر!