فرن شامات: جوهرة مخفية بقلب ضيعة ما حدا سامع فيها

اليوم رح نطلعكن على ضيعة بسيطة ورايقة بس حلوة وكتير، قاعدة بجرود جبيل وهالضيعة إسمها شامات ورح بتحبوها كتير من أول زيارة ورح تعشقوا طبيعتها الحلوة وبساطتها.

بتتمشوا شوي بين البساتين وبتلاقوا فرن شامات على الحطب مخبى بقلب الضيعة، جوهرة مخفية بقلب ضيعة ما حدا سامع فيها… رح يطلع من أجمل الأفران لي زايرينها بحياتكن.

^{Credits: LaurasLanai}

أول ما تفوتوا على الفرن، بتلاقوا فخار على الأرض وقعدة قرميد مميزة وفرن حطب طالعة منو ريحة بتشق القلب.

كيف بحضروا المنقوشة؟ بيعملوا العجينة بفرن الحطب دغري على البطون وعندن العجينة معمولة على الإيد، الخلطة طبيعية مية بالمية.

^{Credits: LaurasLanai}

عندن كمان كراسي خشب ومحاطة بشجر الزيتون، بتقعدوا بالجو الحلو وبتوصلكن منقوشتكن بصنية مهضومة متل صواني التيتا، فيكن تطلبوا معها بونجوسة كمان.

^{Credits: LaurasLanai}

غير هيك، بيعملوا قصص بلدية من حواضر البيت، متل البيض عيون مع صحن خضرا أو لبنة وقصص بيتوتية بسيطة.

^{Credits: LaurasLanai}

الفرن بيفتح بالليل لأن العادة عند أهل هالضيعة إنو بياكلوا مناقيش بالليل من بعد نهار طويل، بيفتح من 7 بالليل وبضل لل3 الصبح بالويك-أند وإيام بضلوا أكتر لأن الناس بتطلع على الضيعة جمعة، سبت وأحد وفي ناس بتبقى سهرانة أو مسربة من بيروت أو من شي سهرة، بلاقوا الفرن مضوى وناطرن والقعدة في بتجنن وبرود على الآخر. هون كمان فيكن تتعرفوا على نسوان الفرن المهضومين وعلى ولاد الضيعة.

العجينة ولا أروع، رقيقة وبتقرش شوي، معمولة بحب ودقة وفيها مواد بلدية مية بالمية من حواضر الضيعة.

بتقعدوا بتاكلوا مناقيش، بتتلذذوا بصحن الخضرا من الجنينة وبتشربوا فنجان شاي.

هالفرن مشهور بمناقيش اللحم بعجين الطازة والجبنة ومنقوشة الكشك البلدية الغير شكل.

^{Credits: LaurasLanai}

بتقعدوا بين الزيتونات وبتاكلوا أطيب لقمة بيتوتية.

بس تخلصوا أكل فيكن تروحوا تتمشوا بضيعة شامات، تكتشفوا المنطقة الحلوة وتشموا هوا نضيف.

صار لازم تعملوا مشوار على ضيعة شامات يلي بتبعد بس عشر دقايق عن جبيل وتشوفوا هل فرن المميز وتاكلوا أطيب أكل وتستلذوا بأهضم قعدة بكل شي فيها.

لطلبياتكتن، اتصلوا على 818 556 70

شوفوا كمان، اختراع بشق القلب والروح: فتة ورد جوري.