٥ تحف معمارية عجيبة رح تدهشكن بلبنان

ممكن لبنان مشهور بالطبيعة الخيالية، بس كمان عنّا مباني وعمارات بتخلي الواحد ينعجب! مشوا نتعرف سوا على ٥ تحف معمارية عجيبة رح تدهشكن بلبنان

1. قصر الاحلام، بخعون

قصر الأحلام هو عبارة عن حلم بحد ذاتو للفنان اللبناني محمد هوشر، اللي جمع حجارة من مختلف أنحاء العالم ليعمرو. القصر المميز أخد ٢٥ سنة ليكمل واليوم يعتبر وحدة من أروع التحف المعمارية حول لبنان.

2. قصر لبنان، كوسبا

انبنت هالقلعة ع إيدان حكيم الإسنان إيلي صرّاف. بنى هيدي القلعة السودا الغامضة بفترة سبعينات القرن الماضي، وقد تم بناؤها بشكل كامل من الأحجار البازلت السودا التي نقلوها من عكار. القلعة فيها متحف أثري مليان منحوتات ولوحات، بالإضافة لشوية غراض من عيادات د. صراف.

3. بيت السنافر، راشانا

هالبيت الإستثنائي بعمارتو هو بيت الفنانين القديرين الإخوان بصبوص بقلب ضيعة راشانا، اللي حولو الضيعة لمتحف مفتوح وعاصمة النحت بلبنان بفضل التماثيل الخيالية.

4. بيت الطيارة، مزيارة

بيت الطيارة هو بيت بتصميم فريد من نوعو، بناه ميشال سليمان بشمال ضيعة مزيارة. تصميمو انعمل ليكون متل طيارة Airbus A380، وهيدا لشغفو الكبير من الطفولة بالطيارات! وإذا بتكفوا تمشاية بالضيعة، بتلاقوا تحف معمارية رح تدهشكن كمان. 

5. الإيد ع قمة جبل الأربعين

هالمنظر الخيالي هو من قمة جبل الأربعين. إذا كنتوا عم تدوروا على الصورة المثالية للانستغرام، فلازم تزوروا هالتحفة المعمارية.

حبيتوا هل تحف المعمارية حول لبنان؟

بتحبوا الجواهر المخفية؟ شوفوا قسمنا هون.