بتعرفوا وين أعلى جسر معلق بلبنان؟ بقلب ضيعة بالشمال

رح بتفكروا حالكن طارين بين السما والأرض! هيدي التجربة زيارة جسر بقرصونا – نمرين، أعلى جسر معلق بلبنان موجود بقلب ضيعة بالشمال. مش بس هيك، هالجسر يعتبر من أهم المعالم الغريبة بالمنطقة وبتشوفوا كتير صور عنو عالسوشال ميديا.

^{Credits: الضنية الإخبارية}

تخايلوا حالكن واقفين ع جسر طولو 100 متر، تحتكن وادي عميق كتير بيوصل لـ170 متر وبتشوفوا منو وادي الحمام بكل روعتو! منظر بيخلي قلبكن يدق وبيخليكن تنسوا كل هموم الدني.

كذا مرة في ناس علقوا بقلب وادي الحمام من فوق وكانت كتير صعبة عملية إنقاذن، عم تتخايلوا لو حدا وقع بقلب الوادي بالغلط؟ يمكن حتى ما يقدروا يستخرجوا الجتتة قد ما عميق ومليان تضاريس.

شو اللي بيخلي جسر بقرصونا مميز عن غيرو؟

يعتبر جسر بقرصونا تحفة هندسية معلقة بالسما بطول 100 متر، هوي أعلى جسر معلق بهالمنطقة وبلبنان، ومسنود بركيزتين كتير طوال بيوصلوا السما والأرض بين بعض وبيخلوا يطلع بهالهيئة المهيبة.

^{Credits: نمرين}

الطلة بتخليكن تنسوا كل شي: مش بس التصميم، الجسر كمان بطل ع وادي الحمام، وادي من أجمل الوديان بلبنان. تخايلوا حالكن واقفين ع الجسر وعم تشوفوا منظر الطبيعة الخلابة تحتكن! رح تنسوا كل همومكن وتستمتعوا بالهوا وبالمشهد قدامكن.

هيدا الجسر مش بس للتشماية والتصوير، كل اللي بيحبوا المغامرة رح يستمتعوا كتير. بتقدروا تمشوا ع الجسر، تركضوا، تركبوا بيسيكليت وحتى تسمعوا موسيقى وتتمشوا ع رواق.

بيوقع هالجسر بقضاء المنيه الضنية، شمال لبنان، تحديدًا بين بلدة بقرصونا وبلدة نمرين. بيبعد الجسر حوالي 35 كم عن مدينة طرابلس، وبالسيارة ما رح تاخدكن الطريق كتير لتوصلوا علي.

بالرغم من جمال الجسر لي بيوصل شقفتين موصولين من وادي عميق كتير، في شوية أمور لازم ننتبهلها. في سياج شوي عالي بحد المنظر من الطريق وكمان في شوية زبالة بالوادي للأسف. منتمنى نضل نحافظ ع هالطبيعة الحلوة ونخليها نضيفة للكل.

جيبوا معكن الناس لي بتحبوهن وخليهن يتفرجوا ع منظر الطبيعة الخلابة من فوق الوادي وياخدوا جرعة من الهوا النظيف.

شوفوا كمان، هيك أسعار كيلو البوظة المشكل عند أشهر المحلات بلبنان!