هالمطعم البيروتي صار عندو برغر كبّة، بتجربوها؟

عشاق الكبة بحبو الكبة بكل أشكالها. كبة قراص، كبة نية، كبة بالصينية – كيف ما كانت، مناكلها! بس إذا كان عبالكن تجربوا شي جديد، رح تفرحوا لما تسمعوا انو هالمطعم ببيروت نزل برغر كبة.

جوليا جوهرة شمالية بقلب الأشرفية بتلبي كل رغباتكن بالكبة واليوم بتلاقوا عندن أكلة جديدة: برغر كبة، عبارة عن قطعة كبّة بقلب خبزة طرية وهشة، مغطسة بصلصة الشمندر الأحمر ومزينة بجبنة المعزة والأعشاب.

مقدمة مع طبق بطاطا موسمية ع طريقتن وكاس من النبيد، كتير رح تستمتعوا بطعم الكبة الأصيل، غنية وبتشبع كتير!

بس ما لازم توقفوا هون، ضروري لما تكونوا عند جوليا تغنجوا حالكن بصينية كبّة غير شكل، طعم وتقديم وشطارة كلو بلقمة وحدة! وعندن أطباق متنوعة واستثنائية بعد متل الكبة رول، الكبة المحشية بالكرز، و كبة الكلوشيت.

لمزيد من المعلومات، تأكدوا من زيارة حسابن على انستغرام أو الاتصال على 833 187 70.

شوفوا كمان، بوظة الزحلاوي: بوظة الضيعة اللي إنشهرت بلبنان كلو!