خلينا نعرفكن على ١٢ ماركة مكياج لبنانية!

بما إنو كلنا بجو المقاطعة ودعم المنتجات المحلية…اليوم رح نعرفكن على أهم ماركات المكياج المحلية يلي منعرفها، جمعنالكن منتجات المكياج الأساسية موجودة بالسوق اللبناني بتتميز بجودة منيحة وألوان مميزة.

١. Laki Beauty

ماركة متخصصة بالمواد التجميلية ما بتتجرب على الحيوانات. بتلاقوا عندن كل شي بتحبوا من الombre فوق العين لكونتور الشفاف والبلاش والeyeliner.

٢. كوزماتيك ساموا

كلنا منعرف هالماركة المهضومة بس ما كنا عارفينا لبنانية ومش بس عندن مكياج عندن كمان فيرني للضافير وألوانن كلا بتعقد. الخبرة لي عندن ياها بتفوق ال45 سنة. بتلاقوا عندن كل شي بترغبوا من أنواع المكياج للعيون والشفاف والخدود بأسعار مدروسة.

٣. ساشمير

أول ماركة مكياج بلبنان بتقدم منتجات بألوان متعددة ومتلألأة. عندن ombre بألوان قوية وواضحة ولميع للي بحبوا يطلعوا بألوان جديدة ومميزة.

٤. Lili’s Cosmetics

عدا عن أنواع المكياج، بتلاقوا عند هالماركة تشكيلة واسعة من أدوات التجميل والأكسسوارات، عندن palette المميزة بتجمع 4 ألوان وأدوات لشد الوج وغيرن كتير.

٥. دالي

بقدملكن تشكيلة واسعة من مستحضرات التجميل والعناية الذاتية، بتلاقوا كل يلي بتحتاجوا عندن لإطلالة متكاملة. من كريمات العناية بالبشرة للحمرا ومن الفيرني لأدوات المكياج الأساسية، رح تلاقوا كل شي عند دالي!

٦. Samara Beauty

رح تلاقوا عندن أكتر من نوع للمكياج، هالماركة بتقدملكن كل شي إلو علاقة بالجمال، من منتجات وأدوات تصفيف الشعر، ربطات وأكسسوارات للمناسبات وأكسسوارات الضافير ورموش وكريمات التسمير وغيرن كتير.

٧. Yves Morel

ماركة مكياج محلية مميزة بتقدم منتجات عالية الجودة وبأسعار مناسبة. بتقدروا تلاقوا عندن كل شي ضروري لإطلالاتكن الحلوة، من كريمات الأساس والحمرا لل contouring وغيرن كتير. مش بس هيك، عندن كتير عروض مميزة عالنيت. فوتو شوفو شو في عندن ونقو ع ذوقكن.

٨. Roo

ماركة إختصاصها تنتج مستحضرات تجميل نباتية وما بتتجرب على الحيوانات. كل منتجاتن بتتميز بجودة عالية وبأسعار مناسبة كتير.

٩. بسام فتوح

ماركة مكياج معروفة كتير وتعتبر من أهم الماركات وبتميز بجودة مميزة، ابتكر هالماركة خبير التجميل المعروف بسام فتوح وتستعمل بين النجمات اللبنانية والعالمية.

١٠. Samer Khouzami

ماركة مكياج عالية الجودة عم توصل للعالمية وتستخدم بين النجوم وبالمناسبات والأعراس أكتر شي.

١١. Nadine Njeim Beauty

نزلت النجمة نادين نجيم ماركة مكياج خاصة فيها، بتلاقوا عندها كل أنواع المكياج من الحمرا والبلاش الliquid لل highliters وال illumintaors لي بيخلوا وجكن يضوي ضوي.

١٢. Face of Dee

ماركة بتلحق آخر صيحات التجميل وبتشتهر بشكل خاص بتشكيلتها الواسعة من مستحضرات التجميل والعناية بالبشرة من الحمرا بعدة ألوان غريبة وفريدة للحمرا اللميعة بتخلي شفافكن براقة. عندن كل شي جديد.

شوفوا كمان، ٩ ماركات بوظة لبنانية مية بالمية!