٥ كافيهات قاعدين على البحر بلبنان!

عبالكن تعملوا مشوار ع البحر وتمسعوا صوتو؟ في كتير كافيهات حلوة منتشرة الشطوط بلبنان رح تخليكن تحسوا بالهوا البحري اللذيذ وصوت الموج. تعوا ندلكن على ٥ كافيهات قاعدين على البحر بلبنان وين فيكن تروحوا تاخدوا قهوة أو عصير وتتفرجوا على منظر البحر الخلاب.

١. Grid Coffee، زيتونة باي

هالمحل قاعد بقلب زيتونة باي. بتقدروا تشربوا كل أنواع القهوة الباردة والسخنة وأكيد في كمان كتير حلويات وسندويشات تاكلوها معن. بيتميز المقهى بقعدتو الحلوة وجو كلاسيكي.

الرقم: 903 988 01

٢. كافيه يو، المنارة

هالقهوة للي بيحبوا الهدوء والجو العصري. بتلاقوا هل كافيه بقلب بيروت عالمنارة، عندن بتقدروا ترتاحوا وتشربوا قهوة أميريكانو أو تركية وكمان في عندن عصير طبيعي ووجبات خفيفة كتير لذيذة وحلويات وبوظة كمان. فيكن تقصدوهن بحيلا وقت بالنهار لتستمتعوا بالبحر والقهوة الطيبة.

الرقم: 992 035 70

٣. بحر بيروت، الريفييرا

ما فينا نحكي عن الكافيهات على البحر من دون ما نذكر هالقهوة المهضومة. مش بس قهوة، قعدة على البحر دغري، عندو كل شي بتطلبوا من مشروبات و أكل وحتى حلويات. فنجان القهوة عند هالمحل عبارة عن تجربة فريدة من نوعها رح تخليكن تنغرموا بالبحر من أول وجديد.

الرقم: 126 722 70

٤. المنارة كافيه، المنارة

هالكافيه بطل على منظر البحر الساحر وقاعد فوقو لكل مين زهق من المحلات المسكرة. فرصة لتشربو قهوة سخنة وتاكلوا من المأكولات اللبنانية الأصيلة يلي بتحبوها والمناقيش والحلويات والمشروب. ولأحلى قعدة، طلبوا قهوتكن وقت مغيب الشمس.

الرقم: 753 449 03

٥.Second Cup، أسواق بيروت

يلي بيحبوا الأماكن القاعدة على البحر، هيدا المحل الحلو رح يخليكن تدللوا نفسكن! قهوة بتتميز بديكورها العصري وقاعدة ع البحر. عندن كتير أنواع من القهوة و العصاير وأكيد في حلويات تاخدوها مع القهوة. القهوة فيها تكون باردة أو سخنة متل ما بتحبوها.

الرقم: 030 706 70

شوفوا كمان،٧ ماركات بوظة لبنانية مية بالمية!.