بوظة الزحلاوي: بوظة الضيعة اللي إنشهرت بلبنان كلو!

بمشواركن ع دوما، ممكن يستوقفكن كتير قصص متل السوق العتيق، المونة الدومانية، العروض الفنية، أو البيوت التراثية بقرميدها الأحمر وحجرها القديم. بس نحنا اليوم رح نوقف ع محل بوظة قديم ومحلي، محبوب كتير كتير وبيقولو بيقدم وحدة من أطيب، إذا مش أطيب، بوظة عربية بلبنان. “بوظة الزحلاوي” محل غني عن التعريف، صرلو بيقدم بوظة عربية ع أصولها من ١٩٥٨! 

للناس اللي مش زايرين ضيعة دوما اللبنانية قبل، ممكن ما كتير يلفتن محل الزحلاوي، محل بوظة زغير بالضيعة، شو ممكن يكون مميز فيه؟ بس هي كدشة وحدة من البوظة اللي بيعملها بتخليكن تطلعوا ع دوما بس كرمالو. 

بوظة الزحلاوي تراث دوماني بحد ذاتو، محل تخصص بالبوظة العربية وأبدع فيها من ٧٠ سنة لليوم. خبريتو لزحلاوي بسيطة: البوظة شغل إيد، المكونات طبيعية، السكر قليل، ولكن النكهة إستثنائية وبتدوب بالتم. وممكن ع قد بساطتها هالبوظة، ع قد ما هي طيبة ومنعشة. 

كتار من الناس المجربة بوظة الزحلاوي بتفضل نكهة القشطة اللي بيعملها، بس الحكي مش متل التجربة. 

كرمال هيك مننصحكن تطلعوا ع دوما وتدوقوا البوظة العربية من تحت إيدان الزحلاوي. 

View this post on Instagram

A post shared by Live Love Douma (@livelovedouma)

إطلبوا البوظة الطيبة، تمشوا بالسوق العتيق وتلذذوا فيها، وإنغرموا بجمال دوما الساحر! 

خبرونا، مجربين بوظة من الزحلاوي من قبل؟ 

الرقم: 717 520 06 

شوفوا كمان، مشوار على دوما: ١٣ شغلة حلوة فيكن تعملوها