مشو ع مخزن الزهورات بلبنان: عندن صابونة حليب الحمار!

رح نعرفكن اليوم على محل يعتبر كنز مخبى وعندو عجايب غرايب. عم نحكي عن محمصة منصور وهالمحمصة مش متل حيلا محمصة عادية بتعرفوها لأن عنجد غير شكل، مشوا معنا لنعرفكن على هالمحل المهضوم.

عنجد المشوار لعندن عند عبارة عن مغامرة زغيرة لأن عندن قصص ما بتخطر لا عالبال ولا عالخاطر. عندن نوع شاي إسمو شاي الياسمين الأزرق ولونو أزرق وبس تحطوا في حامضة بصير لونو بيتغير وبقولوا إنو هوي بريح الأعصاب وبروق. أصلاً عندن حوالي مية نوع من أنواع الشاي، يعني بتضيعوا شو تختاروا.

غير هيك، عند منصور بتلاقوا كل أنواع الزهورات والعطور ومش بس هيك عاملين مؤخراً شي كتير مهضوم فيكن تهدوا محبي الشاي والزهورات: صنية جاهزة مليانة أعشاب معطرة وزهورات لكل مين بحب يعمل صخن كل يوم بالليل وبيزهق من نفس النوع.

غير إنو عندن فواكة مجففة وتمر وشوكولا وبونبون وكل أنواع المونة والمربيات وكل أنواع الحلو العربي، صار عندن شي كتير غريب، خضرا مجففة وهلق صارت دارجة، فإذا عبالكن تجربوها صرتوا تعرفوا وين تروحوا.

شو عندن كمان؟ حلويات تركية وكنافة وسحلب وقصص بستلحلوها كتيرة وكمان عندن قعدة مهضومة.

شو أغرب شي عندن؟ صابونة حليب الحمار التركية وقال هالصابونة بتشد الجسم والجلدة وعندن منا شامبو كمان.

^{Credits: Food Couple}

مجربين شي مرة فواكة المانغا المجففة؟ أو الفريز المجفف؟ عندن كذا نوع من الفواكة المجففة وكمان بحمصوا قهوة على الأصول.

العنوان: شتورة وبوصلوا لجميع المناطق اللبنانية
الرقم: 146 546 08

شوفوا كمان، اختراع بشق القلب والروح: فتة ورد جوري.