الأكل اللبناني برقم قياسي جديد… الفتوش أفضل السلطات بالعالم

بعد تتويج الشاورما اللبنانية المرتبة ٣ عالمياً ع قائمة أفضل سندويشة بالعالم، وصلت سلطة الفتوش اللبنانية كمان للعالمية!  

هالسلطة اللبنانية التراثية اللي مألّفة من مكونات بسيطة وسهلة قدرت تتغلّب على مختلف أنواع وأصناف السلطات من حول العالم. وصلت سلطة الفتوش لقائمة TasteAtlas لأفضل السلطات بالعالم لسنة 2024، وحازت المرتبة ال 8 بالعشر الأوائل! ويعتبر TasteAtlas من أهمّ المنصات العالمية لتقييم جودة الأكل وبيتبع المعايير العالمية بإمتياز.

بتتميز وصفة الفتوش بمكونات موجودة بكل بيت لبناني، الخس والفجل والخيار والبندورة والفليفلة والبصل مع النعنع والبقدونس، والصوص مألفة من زيت الزيتون اللبناني وعصير الحامض ودبس الرمّان، وبعد مكوّنان مميزين لي هني السماق وأكيد الخبز المحمص أو المقلي.

الخبرية ما خلصت هون! كمان التبولة اللبنانية وصلت للمرتبة ال 23 بكل أرجاء العالم، بس أكيد رح بتضلها رقم 1 بقلوب كل اللبنانيين!

يلا خبرونا، إنتو بتحبوا الفتوش أو التبولة أكتر؟