صار فيكن تدوقوا أطيب سندويشة فتايل بالحمرا، تعرفوا ع “لفّة”!

بتعرفوا انو صار فيكن تدوقوا أطيب سندويشة فتايل من دون طلعة ع الجنوب؟ مشوا نخبركن وين وكيف! بتروحوا ع الحمرا، تحديداً ع كوع المكحول الطلعة الأميركية وبتلاقوا سناك فتايل فاتح جديد اسمو “لفّة” ناطركن ع سندويشات غير شكل. مشوا نخبركن شو بيقدم!

من أطيب  وأشهر السندويشات اللي ممكن تجربوها عندو هي سندويشة الفتايل وللصراحة الطريقة اللي بيعملها بتشهي. اللفة عبارة عن لحمة فتايل مع بهارات ورشة ملح، بيلفها مع بندورة وبيغمرها بصوص الطرطور، وبعدها بيحمصها شوي ع الساب! مكوناتها صح بسيطة، بس هيدا السبب ليه هلقد بتطلع طيبة سندويشة الفتايل! والحلو انو الكمية كبيرة بالسندويشة، وبس سعرها ٤$ !

السندويشة التانية اللي مننصحكن تجربوها عند هي سندويشة الخاروف! بيقدمها مع لحمة خروف دسمة، رشة بهارات شهية، وفوقها عسل طبيعي، منظر عنجد بيشق القلب! وكتير مستاهل تجربوها من تحت إيدهن!

بيعمل سندويشة السودة مع دبس الرمان دسمة وطيبة، أما سندويشة الدجاج محشية توم لراسها. واذا انتو من محبي الكفتة كتير رح تعجبكن عندو! محل زغير بيقدم سناكات طيبة ع أنواعها لمختلف الأذواق وبأسعار حلوة، أبدا ما لازم تفوتوا!

إذا عبالكن تعرفوا أكتر، شوفوا حساب مطعم لفّة ع الانستغرام هون لكل جديد!

ولمزيد من المعلومات، اتصلوا على 657 341 01 

ما تنسوا تعملوا تاغ لرفيقكن اللي بيحب الفتايل وخلّو العزيمة عليه!

لتعرفوا أفضل المطارح بالحمرا، شوفوا هون.