٥ مطاعم إيطالية مننصحكن تجربوها حول لبنان

لكل محبي الأكل الإيطالي والقعدة الحلوة، شوفوا معنا ٥ مطاعم ايطالية شهية حول لبنان رح بسفروكن على شوارع إيطاليا بالنكهات الكلاسيكية والمعمولة على الأصول، عندن جو مرتب مهضوم وأطباق طعمتها خيالية.

١. أفانتي، وسط بيروت

أفانتي مطعم إيطالي كلاسيكي بقدم أطيب الأطباق الإيطالية المشهورة المعمولة على الإيد بكل بساطة وفن وبيتزا على الحطب متل ما بيعملوها بروما. هالمحل مرتب كتير وعندو تراس غير شكل وقعدة كتير حلوة، أما أكلو فعنجد بشهي.

الرقم: 992 990 01

٢. غافي، مينة الحصن

مطعم إيطالي لا يعلى عليه، أول شي في كتير خيارات رح تلاقوا عندو أصناف البيتزا والباستا ناطرتكن وسلطات مميزة وحتى أصناف الحلو المميزة. رح تحسوا حالكن إنتقلتوا على الكوليزي بروما بعد أول زيارة، من الديكور للقعدة للأكل، التجربة بهيك محل ما لازم تروحوها على حالكن.

الرقم: 354 999 01

٣. دا صوفيا، بدارو

بيتميز هالمطعم بأطباق إيطالية تقليدية متل باستا بالمأكولات البحرية، معكرونة كاربونارا، البيتزا، الريزوتو، وكتير غيرن! ساحر وخفيف الإضاءة وبيتميز بالشراشف الحمر والبيض مع ديكور إيطالي بسيط ورومانسي.

الرقم: 552 995 70

٤. فنيسيا، سن الفيل

هالمطعم قاعد جنب فندق هيلتون بيروت متروبوليتان بالاس، يعتبر تجربة إيطالية أصيلة، بيسمح لكل مين عبالو تجربة رومانسية يستمتع بالأكل الطيب على صوت المي والموسيقى مع لقمة بتطوش وكاس نبيد. يلي بميز هالمطعم إنو بيشبه منطقة فنيسيا الإيطالية، قاعد فوق المي رح يعيشكن هالتجربة المميزة من دون ما تسافروا.

الرقم: 540 516 01

٤. تافولينا

مجايبلكن نكهات إيطاليا على لبنان، بين البيتزا والباستا والريزوتو وغيرها من الأطباق، بتحتاروا شو تختاروا. ما تعتلوا هم، شو ما تطلبوا رح يكون بشهي، القعدة كتير مهضومة وملونة ومزينة بالأضوية الخفيفة ولون الأبيض والأحمر.

مار مخايل: 244 442 01
فقرا: 051 011 03
أنطلياس: 061 011 03

٥. The Peninsula Rest. & Gardens، ضبيه

عبارة عن بيت المطبخ الإيطالي، هيدا المطعم الإيطالي إشتهر بأكلو الطيب وقعدتو المهضومة بالجنينة والجو يلي بحسسكن إنكن بجزر أمالفي الإيطالية. بتقعدوا بالجنينة تحت الشجر والأضوية الساحرة وبتنبسطوا بأطيب أطباق الباستا أو البيتزا على أنواعها!

الرقم: 999 259 03

شوفوا كمان، ٩ محلات فوق الغيوم بلبنان!