٩ محلات فوق الغيوم بلبنان!

زهقتوا من نفس الضهرات على المحلات والمطاعم المسكرة كل الشتوية؟ خلونا ندلكن اليوم على هال ٩ محلات قاعدين دغري فوق الغيوم بلبنان.

١. سما أرزة، أدما

موقع هالمطعم مميز، قاعد فوق الغيوم وبطل على خليج جونية من فوق وبقدم أكل لبناني أصيل. فيكن تجوا تاكلوا على التراس مع منظر على البحر من فوق وعندو كمان قعدة مراجيح. أحلى شي منظر الغيم عندن بتحسوا حالكن قاعدين فوق للحظة.

الرقم: 228 556 03

٢. ذا سانلاند The Sunland، غسطا

فيكن تجو على هالمحل وقت مغيب الشمس وبتشوفوا منظر ولا أجمل من هيك فوق الغيم، بتطلعوا بعيون الحدا يلي بتحبوا وبتعيشوا لحظات استثنائية.

الرقم: 081 001 81

٣. The Terrace، جونية

بقدم أكل وشرب، القعدة على وقت المغيب فوق الخيال بهل محل ورح تشوفوا حالكن فوق الغيم ورواق على الآخر مع منظر الشمس عم تغيب ورا البحر قدامكن.

الرقم: 400 934 70

٤. Les Caves d’Eden، إهدن

عبارة عن كاف نبيد بالجبل، عندو تراس وجنينة بيكشفوا على منظر الجبل كلو، بتدوقوا عندو أطيب مشروبات. منظر التراس فوق الغيوم بخليكن تسرحوا بأفكاركن لبعيد.

الرقم: 059 200 70

٥. Aeon، إغبي

قاعد فوق سما كسروان، القعدة عندو كتير مهضومة وخرج تقضوا وقت هونيك مع رفقاتكن لما يكون عبالكن تغيروا جو. فيكن تجوا وقت المغيب، تاكلوا وتشربوا أو تستأجروا البانغالو لتناموا فوق الغيوم.

الرقم: 104 716 81

٦. شي ميشال، فقرا

قعدة بتتميز بالأكل الطيب ومنظر خيالي جذاب، برودات حلوين كأنكن بالسما، يعني بتاكلوا لقمة طيبة وقبالكن مناظر بترد الروح.

الرقم: 614 300 29

٧. سمارولا، الأرز

بهالمحل عنجد بتحسوا حالكن فوق الغيوم، كل شي بحسسكن إنكن بالسما، المنظر، شجر الأرز، الوادي المقدس وحتى الهوا عندن غير. فيكن تطلبوا حيلا شي طيب مع مشروب وتجوا تتمرجحوا فوق الغيوم وتنسوا الدني كلا.

الرقم: 933 923 81

٨. Lavender Getaway، كفر قطرا

ارتاحوا شوي على المراجيح وتفرجوا على منظر برد الروح، فيكن كمان تقعدوا على المخدات الملونين وتغمضوا عيونكن وتنسوا الدني. وأكيد المشروبات والحلويات الشهية والأكلات يلي بتستحلوها موجودة.

الرقم: 066 927 81

٩. باب الهوا، إهدن

هالمحل عندو جلسة فوق الجبال والوديان، منو متل أي محل عادي لأن المنظر عندو فوق الخيال بحسسكن إنكن طايرين بالسما. بقدم أكل لبناني أصيل والكبة عندو قصة تانية.

الرقم: 047 456 03

شوفوا كمان، اختراع بشق القلب والروح: فتة ورد جوري.