قهوة جديدة فتحت ببدارو: قعدة حلوة وشفة قهوة

نحنا عطول منجبلكن المحلات الجديدة لي فاتحة بالبلد ومنعرفكن على أهضم المحلات، اليوم رح نعرفكن على قهوة جديدة ومهضومة فتحت مش من زمان.

خلينا نعرفكن على قهوة مهضومة ومكنكنة بمنطقة بدارو إسمها “Acme“. هل كلمة جايي من اليوناني وبتعني التميز، بقدم هل كافيه كل أنواع القهوة والقصص لي بتاكلوها معها، من الكيك للحلويات وغيرها.

لكل حدا عبالوا يبلش نهاروا صح وعلى رواق، هيدا المحل إلكن وحتى فيكن تجيبوا معكن كتابكن المفضل وتقروا أو حتى تجيبوا جريدتكن وبتقعدوا بتسردوها عصوت العصافير لأن رواق كتير وما في ضجة.

فيكن كمان تقعدوا برا وتمزمزوا فنجانكن على رواق بين الشجر والورد على كراسي القش وعندن كل أنواع القهوة السخنة والباردة يلي بتستحلوها وحتى فيكن تطلبوا قهوة تركية.

Acme بيفتح كل يوم من الساعة 8 الصبح للساعة 9 المسا ، لتعرفوا أكتر عن هالمحل اتصلوا على 827 956 70

شوفوا كمان، اختراع بشق القلب والروح: فتة ورد جوري!