اختراع بشق القلب والروح: فتة ورد جوري!

معقول يكون في أجمل من ريحة الورد؟ أكيد طعمة الورد لي بتشق القلب والروح. بتلاقوا عند جلسة ورد اللقمة الطيبة والنفس الطيب على الأكل والجلسة الحلوة على ريحة الورد الجوري. مشوا نشوف شو عندو اختراعات بالورد!

هالمحل بقدم مازة لبنانية من لي بحبها قلبكن وكل شي معمول على الطريقة البيتوتية من البطاطا المقلية للمشاوي لأطيب فنجان قهوة مع منظر بيفتح النفس على الأكل الطيب… وديان وجبال وورد جوري.

بتقعدوا على تراس مليان أكل طيب بتفوح منو ريحة الورد الجوري، بالهوا الطلق وقدامكن وديان على مد عينكن والنظر وعالم من الورد الأحمر.

الإختراع لي من قلبن طالع هوي طبق وردي بإمتياز: فتة ورد جوري. صحن فتة لبن من أطيب ما يكون مع قطرات ورد وكباكيب زغار ومكسرات على الوج لتحسوا بشعور الربيع كلو بتمكن.

بتبوردوا منيح من صحن الفتة وبترجعوا بتبلوا ريقكن بكاس عرق بس مش حيلا عرق، عرق مع ورد جوري أحمر رح يخليكن تحسوا إنكن قاعدين بالحقلة. وفيكن كمان تطلبوا بس شراب الورد، يعني الورد برافقكن عندن مع كل نفس بتتنفسوا.

أما أكلاتو الباقيين، كمان غير عالم!

في أحلى من القعدة بالهوا الطلق بين الورد الجوري؟ خلونا نجرب جلسة ورد!

العنوان: يحشوس
الرقم: 014 273 03

شوفوا كمان، طرومبة بنزين تحولت لمحل حلو بنص بيروت.