٦ بيوت ضيافة وأوتيلات بتاخد العقل بالبترون!

للي عبالو يقضي عطلة عيد الكبير بمحل بجنن، رح نعرفكن اليوم على البعض من أجمل الأوتيلات وبيوت الضيافة بالبترون.

١. بيت البترون

من أجمل بيوت الضيافة بالبترون، بهالبيت رح تنسوا كل هموم الدني، بيشبه بيوت الأحلام. محاط بالشجر والورد وعندو بيسين بيشبه الحمام الروماني. حتى بقلب البيت بتلاقوا مرجوحة وقطع تراثية أثرية، أما القعدة على البلكون بتطل على البحر وخرج فنجان قهوة.

الرقم: 049 270 03

٢. فوحا

هالبوتيك أوتيل قاعد بنص السوق العتيق، بتطلعوله بدرج بيشبه بيت الضيعة، هوي بيت عتيق تم تجديدو بتلاقوا بقلبو كل شي وهوي مناسب لكل حدا عم بنبش على عطلة صيفية.

الرقم: 432 483 03

٣. فيلا باراديسو

غير إنو فيكن تاكلوا لقمة ولا أطيب عند المطعم الإيطالي الشهير ماريولينو، بطل هالبيت على البحر دغري والقعدة على السطح في بتشرح القلب. بتناموا بقلب بيت كتير مكنكن ومهضوم،من فوق عالسطح فيكن تتأملوا أحلا منظر للبترون.

الرقم: 555 766 76

٤. Breathe

بتعيشوا بهالبوتيك أوتيل وسط مدينة البترون الفريدة. مكان بياخدكن على عالم كلو سحر متل بالقصص. يعني بتحسوا حالكن ببيوت باريس المكنكنة، وبتعيشوا يومين حلوين وبعيد عن كل الهموم.

الرقم: 838 878 76

٥. Blue Marlin

بدكن تستمتعوا براحة وإسترخا؟ ما إلكن إلا هالبيت الضيافة. من خلالو بتسافروا على عالم الخيال، العقد والحجر مع أجمل التراس بيكشف على أجمل منظر، هوي بوج البحصة وأطيب المطاعم بالبترون.

الرقم: 838 878 76

٦. Domaine des Oliviers

عبارة عن بيت ضيافة حجر من الأحلام ناطركن مع قرميد أحمر، بيتألف من ٩ أوض نوم، بتلاقوا بخدمتكن كل الوسايل لتدللوا حالكن ضمن ديكور راقي وأنيق وكمان في بيسين. جمال وفخامة وجو هادي بخلوكن تشعروا براحة عميقة وحتى عندن venue للأعراس.

الرقم: 521 111 71

شوفوا كمان، ٧ بيوت ضيافة مخباية بالجبل.