تعرفوا على ٧ بيوت ضيافة مخباية بالجبل!

لما منفكر بعطلة عطول بيجي عراسنا طلعة على الجبل أو الضيعة، ولأن بهيك طقس ما في أجمل من قعدة الضيعة حبينا نعرفكن على ٧ بيوت ضيافة مش كل الناس بيعرفوهن قاعدين بالجبل وبيتمتعوا بفيو ساحر.

١. بيت ميرا، لحفد

بيت خشب قاعد بالجبل، عندو تراس وجنينة كتير مهضومة والزينة بتحسوها جايي من العالم الغجري، كتير حلوة وغريبة بتخليكن تحسوا حالكن سافرتوا على المغرب.

الرقم: 575 254 03

٢. بيت ميساء، شبطين

بيت مميز كتير قاعد بقلب ضيعة شبطين، بقلبو بيسين وعندو فيو روعة بيكشف على أجمل المناظر الطبيعية الخلابة. فيكن تجو تناموا بهالمحل وترجعوا تستمتعوا بنهار رايق وبعيد عن الضجة.

الرقم: 458 602 81

٣. بيت الدير، دير القمر

بيت بيشبه قصور الأمرا المعنيين وفيو قناطر وبطل على أجمل منظر طبيعي ممكن تشوفوا، عبارة عن جنة زغيرة، عدا عن هيك النومة بقلب الجبل بقلب البيت حجر بتحسسكن إنكن بشي جزيرة بعيدة عن الناس بس فيها كل شي.

الرقم: 103 103 03

٤. لا مونيا، القبيات

عبارة عن بيت حجر شبابيكو زرق، عندو بيسين وجنينة مع منظر على مد عينكن والنظر. بتجوا تقضوا وقت ممتع بقلب ضيعة خضرا رح تسحركن من أول زيارة.

الرقم: 638 154 70

٥. ديوان البيك، دوما

بيت حجر تراثي مميز فيو كل شي حلو بتلاقوا بالجبل من الأكل الطيب للمونة للمرجوحة لقعدة التراس يلي بتشق القلب والروح.

الرقم: 375 599 76

٦. بيت السنونو، كفردبيان

كوخ خشب معلق على التلة ناطركن لتعيشوا بقلبو أجواء الربيع يلي بتحبوها. برود وشجر وصوت العصافير، كمان فيكن تعملوا حفلة مشاوي حد الجاكوزي الخاص فيكن.

الرقم: 866 400 71

٧. The Venue Garden، المتين

بيت ضيافة حجر مزين بالقناطر والزهر والعشب، النومة في من العمر والقعدة على التراس مع فنجان قهوة ما بتتمن. عندهن سطيحات كتيرة وقعدات غير شكل، ما تروحوها عليكن.

الرقم: 421 855 70

شوفوا كمان، ٧ مطاعم قاعدة بين الورد بلبنان.