٩ من أطيب محلات البرغر بمنطقة المتن!

أكيد ما حدا منا بيزهق من البرغر. شوفوا معنا ٩ من أطيب محلات البرغر يلي لازم تجربوهن بالمتن إذا كنتو على الساحل أو بالجبل.

١. Burger Lovers، المنصورية

هيدا المحل بيعمل أكتر من صنف برغر، جربوا عندن الtriple smash burger، شقفة من اللحمة الطازة مع خبزة محمصة وجبنة التشيدر الطازة والصوص السري شي رهيب.

الرقم: 838 848 71

٢. Rod’s Burger، برمانا

يلي بميز هيدا المحل إنو بيعمل برغر على الطلب وبس، البرغر معمولة على الطريقة البيتوتية وعندن مختلف الطعمات الكلاسيكية وحتى بحضروا ميني برغر للعزايم أو لمناسباتكن.

الرقم: 323 887 76

٣. Cheese On Top، جل الديب

للناس يلي بتحب التفنن بالأكل، هيدا المطعم ممتاز لإلكن. بيعمل برغر مع تشيز وكمان سويس مشروم برغر ما فينا نوصفلكن قدي غير شكل! مش بس الطعمة شهية حتى الشكل وطريقة التقديم كمان جذابة.

الرقم: 810 882 03

٤. Roots Eatery، المروج

هالمطعم المميز بالمروج عندو قعدة جبلية ممتازة بين الشجر والجبال، البرغر عندو قصة تانية، بتلاقوا عندن البرغر العادية والتشيز برغر والتشيكن برغر وغيرها من الكلاسكيات بالبرغر مع بعض الأنواع يلي بس اختصاص المحل.

الرقم: 397 297 04

٥. Smashed Burger Joint، جل الديب

عبارة عن truck عم بحضر عدة أصناف من الفاست فود وأفخم شي عندو البرغر، يلي عبالو أطيب برغر مع لحمة smashed، ضروري تطلبو من هيدا المحل. خبرتن اللحمة!

الرقم: 390 326 71

٦َ. Hamburguru، جل الديب

عم يشتغلوا على مينو جديد وصار عندن ١٠ أنواع برغر معمولي على الإيد من السجق وعدة أنواع لحمة والكفتا والدجاج وحتى السمك، كلن من أطيب أصناف البرغر يلي ممكن تدوقوهن.

الرقم: 646 464 03

٧. Gilbert’s Burger Bites، أنطلياس

بيتفرد بأنواع معينة من البرغر وأكيد الشواية قدامكن لتشوفوا كل شي. طعمة البرغر من هيدا المحل شي ما بينشرح، غنية بالصوص وحشوتها ولا أطيب من هيك.

الرقم: 753 737 81

٨. Mr. Brown، جل الديب

مش بس معروفين بالبرغر، عندن برغر وسلطات وسندويشات مختلفة وبتشهي، برغر اللحمة مع الجبنة وصلصلة الفطر رح تصير البرغر المفضل عندكن!

الرقم: 124 724 04

٩. Biggi Burger Co، الدكوانة

من أطيب المحلات الموجودة بالدكوانة وبقدم أطيب برغر لحمة ضروري تجربوا. من استراليا للبنان، هالمحل عنده جوانح دجاج بياخدوا العقل، بس أكيد البرغر ما بتتفوت. 

الرقم: 717 880 81

شوفوا كمان، ٣ محلات طاووق على الفحم بلبنان.