مطعم فاتح جديد بجونية مكسر الدني!

حزروا شو؟ فتح مطعم جديد بقلب جونية وإسمو زار عم بحضرلكن كل أنواع المأكولات العالمية من البرغر والسلطات والسندويشات والباستا والبيتزا والسوشي وغيرها. بتحتاروا شو تاكلوا عندو. بس ما تعتلوا هم، شو ما تطلبوا رح يكون بشهي.

بس تخلصوا ما تنسوا تتركوا محل ببطنكن للحلو لأن الخيارات غريبة وبتشهي متل السان سيباستيان، الزار كومبو، البروانيز، التشيزكيك والبوظة.

على فكرة، إذا عبالكن تفاجأو حدا أو تحتفلوا بعيد ميلاد حبيبكن، هالمحل كتير خرج وبيعطيكن الأجواء المهضومة والحماسية لي عم تنبشوا عليها.

غير هيك، هالمحل بيعمل من فترة لفترة حفلات موسيقية وبيستقبل أجمل الأصوات وبيعمل جو لكل محبي الموسيقى مع اللقمة الطيبة.

مش بس هيك، عم يعمل عروضات لطلاب الجامعات ومعلمات المدارس ومن فترة لفترة بيعمل عروضات تانية كمان.

القعدة ولا أروع والديكور رايق ومريح للنظر. المحل المناسب لأحلى جمعة مع الأصحاب والعيلة ولتقضوا نهار الأحد أو حتى لتحتفلوا بمناسباتكن العائلية المختلفة بجو مميز!

العنوان: صربا، جونية
الرقم: 104 103 81

شوفوا كمان، طرومبة بنزين تحولت لمحل حلو بنص بيروت!