لقينا أجمل مطاعم جبيل على البحر!

في أجمل من القعدة على البحر بجبيل ومن منظر الأكلات والبرودات الحلوين ومشهد القلعة؟ مدينة الحرف بتتميز بأجمل المطاعم على المينا وبأطيب مطبخ وأشهى المأكولات. كرمال هيك رح نعرفكن اليوم على أجمل المطاعم على البحر الموجودة بجبيل.

١. على البحر

إسم على مسمى! بيت حجر قاعد ع البحر دغري مع منظر بيفتح النفس على الأكل الطيب، عندن جنينة مع غازون وبقدم جميع أصناف المأكولات البحرية يلي بتستحلوها وأكيد المشروبات مع منظر روعة.

الرقم: 525 582 03

٢. مالينا

إنتو وعم تبرموا بالسوق رح يلفت نظركن هالمحل، عبارة عن قعدة حجر بين الورود، رح تشموا ريحة البحر، بتقعدوا بقلب الجنينة يلي بتعانق البحر، وبتستمتعوا بمجموعة من المأكولات الإيطالية واللبنانية على أنغام موسيقى رومانسية.

الرقم: 111 544 09

٣. باب المينا

بالوقت يلي البحر عم يلمع تحت الشمس قبال القلعة، رح تكونوا عم تاكلوا أطيب الأصناف البحرية الطازة والأسماك مع كاس نبيد وصوت المي. لازم تجربوا هالمكان مع حدا بحب البحر كتير نصيحة خليكن لمغيب الشمس لتشوفوها عم تختفي ورا البحر، فنجان القهوة هون بتشربوا دغري حد البحر.

الرقم: 475 540 09

٤. Se By Ocean Blue

هون المي والموسيقى والأكل غير، مكان رومانسي بإمتياز رح يخليكن تحسوا إنكن قاعدين على البحر دغري، لهيك لازم تجربوا هالمكان مع حبيبكن وبتاكلوا أطيب الأكلات العالمية المعمولة على أصولها وبتتفرجوا على البحر قبالكن.

الرقم: 333 111 81

٥. Chez Pepe

محل مهضوم كتير، جار البحر وبيستقلبكن ببيت حجر عتيق، بتفوتوا وبتتفرجوا على المتحف البحري، بتاكلوا لقمة طيبة من مازة ومأكولات بحرية وإيطالية. إذا قعدتوا على التراس بتتأملوا جمال القلعة. شو بدكن أكتر من هيك؟

الرقم: 213 540 09

شوفوا كمان، ١٠ مطاعم بالهوا الطلق.