١٠ شغلات بتصير مع كل لبناني لما يسافر سياحة لبرا

قولكن في أحلى من السفر؟ واللبنانية ع عوايدن بيحبوا يضهروا ويسهروا ويعيشوا الحياة بأكملها. بس في تصرفات معيّنة منلاحظها بكل حدن لبناني بيقرر يسافر سياحة لبرا، خلونا نخبركن عن كم شغلة مهضومة ضروري يعملها كل لبناني بهيدا السيناريو. 

1. الشنطة بتكون جاهزة من أسابيع، ويوم السفر بينطر بالمطار قبل بساعات وساعات من إقلاع الطيارة 

لو بيقدر يقضي النهار كلو ناطر بالمطار ع إنو يجي بآخر لحظة، ما بيقول لا. 

2. وبياخد معو مدري كم شنطة وهو رايح سياحة بس أسبوع

الشنطة اللي بيحتاجها كل لبناني:

3. ومن الضروري انو ياخد صورة بالـ VIP Lounge 

4. وما بيخلي شي يعتب عليه بال Duty Free 

5. ولما يوصل، بيتصور حد كل شي، وأكيد بيصرع الناس عندو ع الستوري 

فهمنا سافرت. 

6. والنكتة انو ما بيترك محل بروح عليه إلا ما بيقول “أصلن عنا منو بلبنان”

طيب، ليه سافرت ع اليونان طالما عنا بحر بلبنان؟ أو ع جورجيا ونحنا عنا تلج بكفردبيان؟ 

7. وما بتكمل من دون ما يقارن الأسعار بكل شي بلبنان

8. بيحضر حالو نفسياً انو ما في شطافة

كم يوم صعبين وبيمرقوا

9. بيشتاق للبنان وهو أصلا صرلو بس يومين برا البلد

بيصير أقوى من عاصي الحلاني “بيكفي إنك لبناني”

10. ولما يرجع لازم يقول “ما في أحلى من انو الواحد يرجع ع بلدو”

وبيصير يقارن حالو بالناس المهاجرة أديه عنجد الهجرة صعبة، وبيعيش الدور ع الآخر. انتو بس روقوا عليه مجرد ما يمرق هالطريق ويشم الريحة الشهيرة:

View this post on Instagram

A post shared by Beirut.com (@beirutcityguide)

شوفوا كمان، ١٤ شغلة ما رح يفهمها إلا المغترب اللبناني