١٠ شغلات اشتقنالها من إيام ستار أكاديمي!

صراحة رغم مرور سنين بعد ما قدرنا نتخطى برنامج ستار أكاديمي يلي صار جزء من طفولتنا وذكرياتنا الحلوة. سمعنا سنة الماضي بخبرية إنو ستار أكاديمي راجع بس ما شفنا شي وياريت بيرجع بموسم جديد لأن عنجد اشتقنا لكل شي.

لهيك حبينا اليوم نسترجع أجمل الذكريات من إيام ستار أكاديمي.

١. نهار التلاتا وقت تجي فقرة إعلان مين النوميني

ونبقى قاعدين على أعصبانا لنشوف لمين بدنا نصوت وخايفين يكون مشتركنا المفضل نوميني

ومين فينا بينسى غنية النوميني الشهيرة؟

٢. مين فينا ما كان يحط التلفزيون على قناة نغم التابعة للLBC لي كانت تنقلنا يوميات الطلاب

ننطرن ليفيقوا ويرجعوا يناموا ونحس حالنا معنيين بكل شي بيعملوا بنهارن

٣. فقرة أسامة الرحباني كانت المفضلة عنا

ننطروا يجي يبهدل الطلاب بهضامة ونفقع ضحك على نكتو

٤. لما يجو الفنانين يلي بكونوا ضيوف البرايم يزوروا الأكاديمية ويتعرفوا على الطلاب

كنا ننظر مناطرة يجي شي فنان نحبوا ونشوفوا عم يحكي ويتفاعل مع الطلاب

٥. صفوف الفوكاليز مع ماري

ميييييي آههههه إييييي، أكيد بعدكن حافظينا

٦. أهم شي البرايم نهار الجمعة يلي كلنا كنا نتصبر على التلفزيون بس يبلش

ومين ما كان ينطر طلة هيلدا من أسبوع لأسبوع لنشوف شو لابسة

٧. ومين ما كان ينطر الأغاني الحلوة يلي بغنوها المشتركين والرقصات والمشاهد التصويرية الجذابة

وعطول الختام بغنية feel the love generation يلي كانت تحسسنا بالفرح كل ما منسمعها

وكمان غنية “نحنا لمين منغني”

٨. ومين ما كان يتحمس على ال top 5 كل برايم، ومش بس لنعرف مين ربح لنشوف الجوايز كمان

وكمان كنا ننطر فقرة الجمعة الماضية لنشوف شو عملوا يلي ربحوا قبل بجوايزن

٩. الضيوف يلي كل مرة كانو يجوا من محل، معقول ننسى وقت جابو مساري؟

أو وقت جابوا الفنان والممثل التركي خوكان تيبي؟

١٠. ومين ما بيتذكر كيف كانت تبقى إيدنا عقلبنا كل مرة لحظة إعلان النتائج النهائية للتصويت

وكيف بس يجي دور الطلاب ينقوا حدا من زملائن يبقى معن يبلش قلبنا يدق لأن نحس إنو عم يلعب الحظ

شوفوا كمان، ٧ مسلسلات أثرت بطفولة كل لبناني.