٦ مطارح لتعيشوا المغامرة و رياضات حماسية مع ولادكن بلبنان

لكل عشاق الأدرينالين، الرياضة، الحماس، لقينالكن ٦ مطارح لتمارسوا رياضات حماسية وتعيشوا المغامرة بلبنان. 

1. Hilhout Village، خنشارة

هيل هوت فيلدج مساحة مميزة بمنطقة الخنشارة الجبلية، مخباية بين الصنوبر وبيتميز بقعدة للغدا بالهوا الطلق عائلية بإمتياز. بيقدموا نشاطات و رياضات حماسية بتناسب الكل، متل Skywalk ، Zip-line، القواص، وغيرها.

الرقم: 711 757 70

2. The Pine Yards، مار موسى الدوار

باين يارد مقصد حلو للعيلة كلها! جربوا مجموعة حلوة من الرياضات الحماسية، متل التسلق، رياضة الرماية، مراجيح، الترامبولين، وكمان ألعاب التنس. 

الرقم: 629 281 03

3. Arsoun Village، المتن

أرصون فيلدج بيقدم نشاطات حماسية بتناسب كل الأعمار. بتلاقوا نشاطات مميزة وملاعب كبيرة للولاد يسرحوا ويمرحوا على راحتن. فيكن تجربوا ألعاب التسلق على الشجر، وألعاب الحبل متل ال Free fall أو تجربوا ال Zipline ، وقصص كتير بتتعلموها بدورات مع مدربين محترفين وصعوبات متنوعة.

الرقم: 111 228 71 – 111 226 71

4. Swings، المتن

سوينغر من أفضل المساحات بالمتن للرياضات الحماسية للولاد وكل الأعمار. المطرح مجهز بكل شي ممكن تحتاجوا، بتلاقوا كافيتريا، ملاعب، منتزه، وأماكن مخصصة للتخييم. 

الرقم: 648 796 03

5. Maison de la Foret، بكاسين

عم تبرموا على مطرح مميز للمغامرة بنص الغابة؟ بيت الغابة مش بس عندن أكواخ خشبية بين الصنوبر، بس كمان ع النشاطات بالهوا الطلق متل إستكشاف دروب المشي، التسلق، ركوب البيسكلات، وغيرها.

الرقم: 222 800 07 

6. Gravity Activities، الكورة

اطلعوا ع الكورة بالشمال عند غرافيتي وعيشوا تجربة التخييم بكل حلاوتها. بتلاقوا عندنا Zip-lining ، رياضة التسلق، الحبال العالية، ركوب البيسكلات، وكمان الـ Hiking بالطبيعة. 

الرقم: 165 782 03 

شوفوا كمان، لقينالكن ١١ مطعم عائلي مع ملعب للولاد بلبنان