٦ نشاطات مسلية للولاد بلبنان

إذا كنتو عم تنبشوا على محلات فيكن تقضوا بعض الوقت مع ولادكن، لقينا بعض النشاطات المناسبة للعيل والولاد اللي ممكن تتمتعوا فيها حول لبنان.

١. كونوا شيف ليوم واحد عند الفرن اللبناني

فرصة حلوة ومهضومة لتجربوا شي فريد من نوعو وتنشغلوا مع ولادكن بنشاط جديد وممتع عند فرننا المفضل ببيروت. صار فيين ولادكن يصيروا شيفيي لنهار واحد ويتعلموا يحضروا منقوشة بدورات المطبخ لي عاملينا!

برافقهن الشيف الموهوب ألان، بيلبسن مراويل وشابوهات، وبيوزع علين كمية أدوات قبل ما يبلشوا يعملوا العجينة من الصفر. هالنشاط كتير ممتع ومفيد (طيب كمان) وممكن يكون فكرة رائعة لحفلة عيد ميلاد.

لحجز جلسة طبخ خاصة، اتواصلوا معن على 379 225 71

٢. زوروا متحف الحياة البرية والبحرية المدهش بجعيتا

حضروا حالكن ليوم ممتع مع ولادكن ويوم تعليمي شيق، عالم البحار وعالم الحيوانات ناطركن برحلة حماسية وزيارة ممتعة ومسلية لتتعرفوا على الحيوانات البحرية والبرية.

المتحف بضم أكتر من 5000 عينة، بتمثل أكتر من 2000 نوع حيوان موجودين بلبنان.

إذا إنتو وولادكن بتحبوا الحيوانات، رح تتسلوا كتير. رح تتعرفوا على أنواع جديدة من الحيوانات وتتعرفوا أكتر على الحياة البحرية والبرية. المتحف على بعد 800 متر بس من مغارة جعيتا المشهورة، هيك فيكن تقضوا نهار كامل بالمنطقة!

٣. قضوا نهار ب وادي شمسين

وادي شمسين جنة طبيعية بقلب البقاع، بقدملكن هالمطعم تجربة أكتر من رائعة بالصيف. المكان المثالي لتقضوا نهر رواق وتستمتعوا بالأكل الطيب على صوت المي العذبة.

هالمحطة المميزة هي مثالية للعيل والتجمعات الكبيرة والزغيرة ولتمارسوا كل الألعاب الصيفية الحماسية. بقدملكن عدد كبير من النشاطات كتير مسلية للكبار والزغار، متل التجديف، وركوب الأحصنة، وركوب ال ATV، ورياضة البيدالو، وغيرن كتير. 

خدوا ولادكن وقضوا نهار مميز

٤. جربوا ركوب الخيل عند Elite Equestrian للفروسية

!مشروع ولا أهضم، مارسوا فن ركوب الخيل ضمن مناطق مفتوحة بتتعلموا فيها كل شي بطريقة صحيحة. بعد ما تخلصوا بتقدروا تاكلو بالمطعم المميز الموجود بالمشروع.

لو بحياتكن مش مجربين ركوب الخيل، رح يدربكن أستاذ الفروسية المحترف عندن على كيفية ركوب والنزول من الحصان، وتوجيه الحصان، والتنقل بالدروب والعوائق الصعبة، وخلق علاقة صحيحة بين الفارس والحصان.

٥. تعرفوا على عالم الشوكولا عند Choco Story

تعرفوا على عالم الشوكولا الرهيب عند هالمتحف المخصص للشوكولا، عيشوا هالتجربة الشيقة والتعليمية اللذيذة.

كمان عندن جولات تعليمية بقلب المتحف بتعرفكن ع تاريخ الشوكولا، أهميتو، وأصلو، وتطور مراحل صناعتو.

وأحلى شي بالموضوع إنو رح تدوقوا الشوكولا اللذيذ والطازة بكل محطة: شو ناطرين؟ حجزا لإلكن محل على 336 813 25

٦. جربوا لعبة الليزر تاغ عند Battlefield Laser Tag

ملعب Battlefield Laser Tag مكان فريد من نوعو لتجربوا مهاراتكن بلعبة الليزر تاغ و اختراع استراتيجيات للربح. شي كتير بسلي.

لعبة بتساعدكن تنسوا همومكن وتتسلوا مع الولاد وتفعلوا الأدرينالين. خصوصي بعد ما يكونوا الولاد قطعوا أسبوع صعب بالمدرسة، ويكون عبالن يموهوا.