جنيات وأصوات مرعبة: قصة وادي جهنم بشمال لبنان!

بقلب عكار، في وادي عميق بيخوف يللي بيشوفو من بعيد ومن قريب إسمو وادي جهنم. وادي بتحسوا عم يلتهم الارض، عميق كتير حوالي ٢٠٠٠ متر، وطولو بيوصل للـ ٢٧ كيلومتر. المنظر من هالوادي مش عادي أبدً! بتشوفوا منو طبيعة حلوة وخيالية بنفس الوقت، فيها كتير أسرار وحكايات بتخلي الواحد يقشعر.

جنة بس فيها شوية أخبار غريبة!

وادي جهنم من أهم المناطق الطبيعية اللي فيها تنوع كتير كبير بالنباتات والأشجار والينابيع العذبة بلبنان. منظر بيخطف القلب فعلاً، بس الجمال منو سر هالمكان بس. بس نحكي عن وادي جهنم ما فينا ما نذكر الخرافات اللي بينقال عن الجن اللي ساكنين في من زمان، وعن الرعب اللي كانوا موجود بسبب هالشي بين الناس.

حكايات شعبية عن جنيات الوادي!

بخبروا جيران الوادي خبريات بتحط العقل بالكف! وبتقول الخرافة إنو الجنيات هونيك بيطلعوا بغنوا بالليل لحالن!

قدي غريبة هالقصص شو بتخلي الواحد يتردد يزور هالوادي لو بنص النهار؟ وللصراحة ممكن أكتر شي يرتعش قلبكن قدامو بهالوادي هو جمالو الخيالي مش القصص الغريبة.

^{Credits: Discover Akkar}

ممكن وحوش مفترسة !

في حكايات تانية عن وادي جهنم قال هالوادي في حيوانات مفترسة كانت ساكنة في من زمان، وقال كانت تخوف كل الناس بالمنطقة.

وعن سبب التسمية، في كتير نظريات. في ناس بتقول إنو سمو جهنم بسبب صعوبة العيش في، وناس تانية بتحكي إنو الاسم مرتبط بالجن والوحوش اللي بيخبروا عنن.

غموض كبير

أهل الوادي والمجاورين عايشين بظروف شوي تقليدية. ما في خدمات وطريقة الحياة صعبة بسبب غياب خدمات الدولة. بس رغم هيدي الصعوبات، متمسكين بأرضن و عاداتن. ما بدن يتركوا قريتن اللي هيي كل شي عندن بهالحياة.

^{Credits: Lebanon Eco Movement}

وادي جهنم خليط من الجمال والخوف، من الطبيعة الخلابة والأساطير الغريبة، من الهدوء وصراعات الحياة. قصتو مع الزمن ما انكتبت بعد عالآخر، وأسرارو بعدها مدفونة بعمق الوادي الكبير، منتظرة يلي يكتشفن ويخبر عنن.

^{Credits: annahar}

شوفوا كمان، قصة وادي الجماجم ببسكنتا: وادي الجتت لي ما حدا بيقدر يوصلوا!