رجعت إيام العز: كعكة طرابلسية مع بونجيسة بس ب1000 ليرة!

رجعت إيام العز ورجعت الليرة تحكي بطرابلس! رجعنا بالزمن سنين لورا وقت كان كل شي يمشي على الهدا، وقت كان كل شي أحلى حتى الهوا لي منتنفسوا كان أحلى.

في بياع كعك بطرابلس وصاحب بسطة قرر يفرح قلوب اللبنانيين والطرابلسية بالتحديد، فقرر يعمل كعكة طرابلسية على السعر القديم، هالاكلة المشهورة صار فيكن تاكلوها مع بونجيسة بس ب1000 ليرة!

بيعملها على أصولها، وعالفحم متل ما الكل بيحبها.

ما في أفخم من إنو تجربوا هالكعكة الطرابلسية من ديات معلمينها، بتجي محشية جبنة وخضرا، بتشق القلب بشكلها وطعمتها وريحتها!

طرابلس معروفة إنها طول عمرها إم الفقير و هالمبادرة الحلوة هدفها تطعمي الفقير وترجع قيمة ال1000 ليرة.

لتعرفوا أكتر عن المبادرة شوفوا هالفيديو لي عرضتوا SPI:

شوفوا كمان، تيتا لبنانية تعلمت سواقة بعمر 82 سنة!