شو أعلى ضيعة مسكونة بلبنان: كانو أهلها يموتوا من البرد بالشتوية!

بتعرفوا إنو في ضيعة لبنانية قاعدة فوق الغيوم؟ هيدي هي ضيعة بقاعكفرا، أعلى ضيعة مأهولة بلبنان وحتى بالشرق الأوسط، علوها 1560 متر عن سطح البحر بتخليكن تحسوا حالكن قريبين من السما.

مش بس هيك، هيي بلدة القديس شربل، منا مجرد ضيعة عادية وفيها روحانية كتير. هي قطعة من الجنة على الأرض. فيكن تزوروا بيت القديس شربل بالضيعة بعدو موجود، يعني ما بتزوروا بس ضيعة حلوة، بتزوروا كمان ضيعة فيها بركة وشي من قداسة هالقديس وبس تخلصوا بتاكلوا أطيب منقوشة صاج من فرن الساحة.

شوارعها مليانة بعيون المي، بيوتها من القرميد، وأهلها طيبين وكرما.

بس شو لي بيميز بقاعكفرا عن غير ضيع؟

عيون المي المنتشرة بكل مكان: الحلو بهل ضيعة إنو وين ما بتوقفوا بتلاقوا عين مي. المي لي فيها نقية ومسقعة ويمكن أطيب مي دايقينها بحياتنا، عذبة وبتريح النفسية قد ما صافية.

المونة البلدية: بيشتهروا أهل الضيعة بتحضير المونة البلدية والقروية، من زيت زيتون وزعتر للمربى التين والعنب.

جمال الطبيعة: غابات خضرا وشجر مثمرة من تفاح وجوز وخوخ، وطبيعة خلابة بتحسسكن بالاسترخاء.

التاريخ العريق: بتفتخر بقاعكفرا بتاريخها العريق، كانت موطن للعديد من الحضارات القديمة.

دفا وكرم لبناني: أهل الضيعة فاتحين بيوتن وقلبون لكل الزوار وبيعزموكن ع أطيب شفة قهوة.

بخبروا سكان المنطقة إنو من زمان قبل ما كان في لا شوفاج ولا دفايات، كان البرد قاسي كتير بالشتي. الناس، وبالأخص الكبار، كانوا يعانو كتير.

لأن كان يوصل إيام يخلص الحطب ويسكر التلج الطرقات وما حدا يقدر يطلع من بيتو، كانو الناس يعلقوا جوا ولي ما معو بقا حطب كان يوصل لمرحلة يموت من البرد والسقعة إذا جسمو ما قدر يتحمل… هالخبرية الحزينة جزء من تراث هالضيعة الحلوة.

رغم كل الصعوبات هيدي، بقاعكفرا ما استسلمت. صمدت وربت رجال ونسوان قوايا.

اليوم، بقاعكفرا صارت من أهم المصايف بالشمال. كتير سواح بيجو ليتنفسو هواها النضيف ويشربوا من المي العذبة.

لي حلو بهل ضيعة إنو بس تجو عليا رح تحسوا إنو رجعتوا عإيام البركة ورح بتشعروا براحة وبسلام أكتر من خيالي.

خبرونا، حبيتوا قصة أعلى ضيعة بلبنان؟

شوفوا كمان، بين أميركا ولبنان قصة حب ودت للجنون: جبران ومي زيادة.