بالفيديو: ألحان فيروز تصدى بشوارع بوسطن العالمية

صوت فيروز الأسطوري إلو صدى أبدي بالعالم العربي، وحتى على الصعيد العالمي. وين ما تروحوا بتسمعوا صوتها بشوارع المدن الأجنبية. هالمرة، لحن “بكتب اسمك يا حبيبي” غمر شوارع بوسطن من خلال آلة الساكسفون، لقطة حلوة لفنان شارع أجنبي والفيديو من عدسة المرشد السياحي رامي زين الدين.

هالعازف حاطت كرتونة فيها أعلام من بلدان مختلفة. بيحزر جنسية الناس اللي عم تمرق وببيعزف أغنية بيعرفها من بلدن. وهيدا الشي روعة عنجد، نظراً إنو ع الكرتونة في أكتر من 100 بلد.

هالعازف الساكسفون الموهوب بيعتبر محترف بتخمين جنسيات الناس وبس من خلال النظر إلن. اذا كنت لبناني وعايش ببوسطن، ممكن تلاقي هالفنان فوق فيرفيلد و بويلستون. يمكن حتى تجرب هالشي بنفسك وتشوف اذا كان قادر يخمن جنسيتك بشكل صحيح!

إحنا مهووسين بكل شي عن فيروز، فإذا كنتوا مهتمين، شوفوا كمان:

من أرشيف الزمن الجميل، ٢٠ صورة نادرة للست فيروز!